”إيمي طلعت زكريا” .. ”بابا مات محسود وبعد ”طباخ الريس” كان حاسس انه هيجرى له حاجة”

حلت الفنانة الشابة "إيمي طلعت زكريا" ضيفة في أحدى البرامج التليفزيونية للحديث عن أعمالها الفنية وكواليس لأول مرة عن حياة والدها الفنان الراحل "طلعت زكريا"، وعن تفاصيل خاصة في حياته.

كشفت "إيمي طلعت زكريا" عن خوف والدها من الحسد وعلاقته بوفاته، حيثُ قالت "إيمي" .. "بابا مكنش بيخاف من الحسد بس كان بيبقى عارف يعني أول ڤيروس جاله بعد ماصور فيلم "طباخ الريس" وصوره قعد وقال يارب أنا حاسس إني هيجرى لي حاجة بعد الفيلم ده فلو هيحصل حاجه متجيش في ولادي بعد 3 ايام بالظبط كلمت دكتور "أشرف زكي" ونقلناه على المستشفى وحصل اللي حصل".

وأضافت "إيمي" .. "فيلم حاحا وتفاحة كان بطولته الأولى وكان أول أبناءه في البطولة وبعدها بسبب "طباخ الريس" كان هيشتغل بالملايين وشركات الإنتاج بتجري وراه بس القدر كان ليه كلام تاني وربنا كان عايز كدة وأنا بشوف انه مات محسود".

وتابعت "إيمي".. "في مرة قبل وفاته بكام يوم كنت منزلة ڤيديو ليا أنا وهو من فرح "هنا الزاهد" وأحنا بنرقص مع بعض وحضناه لقيت واحدة كتبتلي على إنستجرام ماتراعي الناس اللي أبوهم ميت فأنا أتخضيت وشيلت ال ڤيديو لإني مكنتش عايزة بابا يحصله حاجه، الحسد مذكور في القرآن والحسد بيدخل للرجل القبر وانا مؤمنة بيه وتعددت الأسباب والموت واحد بس انا شايفة ان بابا مات حسد".

يُذكر أن "إيمي طلعت زكريا" هي إبنة الفنان الراحل "طلعت زكريا"، وعُرفت "إيمي" بموهبتها في التمثيل مثل والدها، وقدمت العديد من الأعمال الفنية المميزة من أبرزها "كشف مستعجل" و "عودة الأب الضال" و "الفيل في المنديل" و "الزوجة الرابعة" و "كازينو بديعة"، وغيرهم.