الجمعة 24 مايو 2024 01:16 مـ 16 ذو القعدة 1445 هـ
جريدة النهار المصرية رئيس مجلس الإدارة ورئيس التحريرأسامة شرشر

فن

خالد محمود: ”الفنان قدوة وزعلت لما عملت مشهد قبلة في ”شاويش نص الليل”


تحدث الفنان "خالد محمود" عن وجهه نظره في الفن في أحدى البرامج التلفزيونية، حيثُ حل كضيفاً للبرنامج بعد فترة غياب عن الشاشة والساحة الفنية، وأدلى "خالد" بالعديد من التصريحات النارية التي شكلت مفاجأة كبيرة للجماهير.

وبحسب تصريحات تليفزيونية قال "خالد محمود" .. "الفنان قدوة مهمه جداً والدليل أن الممثل الكويس بتلاقي الناس مبسوطة وفرحانه بيه وبتابعه، وبتعمل اللي بيعمله وردود أفعال الناس عليه أن دوره كان إيجابي وبيفيد المجتمع، الممثل اللي بيضر بتلاقي الناس كلها مبتختلفش عليه إنه قدوة سيئة والفن لو مش رسالة مكنش في فيلم "كلمة شرف" للراحل فريد شوقي يغير قانون في الحياة الاجتماعية أو فيلم "جعلوني مجرماً الفيلمين دول غيروا قوانين في البلد".

وأضاف "محمود" .. "أنا ضد اللي بيقول الفن مش رسالة والا مكنتش اتقال على الفن قوة ناعمة، وأنا مش ضد مصطلح السينما النظيفة السينما لازم تكون نظيفة أحنا بتشتغل عشان نعمل عملية متعة للناس وتتبسط من خلال التليفزيون أو السينما".

وأوضح "خالد" أن "مشهد القبلة في فيلم "شاويش نص الليل" .. أنا مكنش بإيدي ومكنتش صاحب قرار ده كان فيلم بطولة لواحد عنده 18 سنة ولما أتعرض الفيلم أنا مرضتش عن نفسي في الحته دي على الرغم من أن الفيلم وصل رسالة كبيرة جداً".

وأشار "محمود" إلى .. "أنا مع نفسي لما قعدت قلت مستحيل أعمل حاجه فيها قبلات، وفي فيلم "طلب مني" مخرج مشهد فيه قبلة قولتله اي المبرر الدرامي فتفهم ولغى المشهد تماماً ومن ساعتها لحد دلوقت كل حاجه بالنسبالي تمام.

يُذكر أن "خالد محمود" هو فنان مصري موهوب جداً في التمثيل، وقدم العديد من الأعمال الفنية المميزة في السينما والدراما منذُ فترة التسعينات حتى عام 2022، من أشهر أعماله الفنية "شاويش نص الليل" و "فخ الجواسيس" و "بريق في السحاب" و "محمود المصري" و "الحقيقة والسراب" و "يتربى في عزو" و "نقل عام"، وغيرهم.

موضوعات متعلقة