”حسن عبد الفتاح”: ”محمد سعد” جدع ومن أحسن الناس اللي بتعامل معاها

كشف الفنان "حسن عبد الفتاح" عن الفنانين الذين يفضل التعامل معهم في الوسط الفني، حيثُ أنتشرت بعض الشائعات مؤخراً عن الفنان "محمد سعد".

وبحسب تصريحات تليفزيونية قال الفنان "حسن عبد الفتاح" .. "محمد سعد" من أحسن الناس اللي بحبها في الوسط وبرتاح معاها في الشغل وهو بيرتاح معايا في الشغل .. "محمد سعد" ده عشرة العمر".

وأضاف "حسن" .. "محمد جدع ومحترم وبيقف جنب صحابه وأكيد بيضايقوه عشان بيتعامل معاهم كده، أنا أعرف محمد من 35 سنة وكان معانا عند الأستاذ "محمد صبحي" بس التركيبة ممشيتش مع الاستاذ قعد معانا أسبوعين ساعتها ومشي وقابلته في المتحدين كان بيعمل " كعب عالي" مع "يسرا" و "حسين فهمي" وأشتغلت معاهم.

وأختتم "عبد الفتاح" حديثه قائلاً .. "الموضوع شلليات أنا عارف فلان وفلان هما دول اللي يشتغلوا حد تاني لا، فين وفين ممكن أنا اتاخدت من على المسرح استاذ "رائد لبيب" مرة شافني في المسرح قالي تعالى المخرجين زمان كانوا بيدخلوا المسارح يجيبوا دلوقت لا، الوسط مليان شلليات وانا ليا كام واحد اللي بشتغل معاهم بيقولولي تعالى يا حسن بروح منهم الفنان "محمد رجب" والفنان "محمد سعد"...".

يُذكر أن "حسن عبد الفتاح" هو فنان مصري أشتهر بتقديم أدوار البطولة مع كبار النجوم في العديد من الأعمال الفنية المميزة بالسينما والدراما، من أشهر أعماله "كتكوت" و "أمير البحار" و "إكس لانس" و "واحد صعيدي" و "سمير أبو النيل"، وغيرهم.