”إيناس النجار”: تركيبة الراجل في تغيير زمني

تحدثت الفنانة التونسية "إيناس النجار" مؤخراً عن بعض القضايا المعاصرة التي يعيشها الازواج مثل أزمة مصروف المنزل، ومن الذي يجب أن يدير أمور المنزل المالية المرأة أم الرجل.

وبحسب تصريحات تلفزيونية قالت "إيناس النجار" "الست هي الأكثر تدبيرًا وهي اللي بتشتري كل حاجة وعارفة الأسعار وعارفة بيتها محتاج إيه"، وتابعت "النجار" 90% من الرجالة متعرفش كيس السكر بقى بكام، وده مش علشان هما مقصرين في المسئولية ولكن علشان الست هي اللي مسئولة، وده اللي بنشوفه في كل بيت في الوطن العربي من وإحنا صغيرين".

وأضافت الفنانة "إيناس النجار" "أبويا كان مربيني وأسلوب حياته غير أسلوب حياتنا إحنا دلوقتي فأكيد تركيبة الراجل نفسها فيها تغيير زمني وتغيير في الحياة"، وأستكملت "النجار" حديثها "الحياة دلوقتي 24 ساعة شغل، الراجل مش هيبقى فاضي، ممكن أول سنة جواز الراجل ينزل يشتري حاجة مع مراته بس بعد كده خلاص بتبقى مسئولية البيت على الست"

وأشارت الفنانة "إيناس النجار" .. "الست هي اللي بقت تطبخ وتربي الولاد وتودي الحضانة وتروح السوبر ماركت وهي اللي تشتغل، كل حاجة دلوقتي بقت على الست".

يُذكر أن "إيناس النجار" هي فنانة تونسية تعمل في مصر، حيثُ تُقدم "إيناس" حالياً برنامج "عركة ستات" الذي يُعرض على قناة هي، وعُرفت "إيناس" بموهبتها المميزة في التمثيل، حيثُ قدمت العديد من الاعمال الفنية الجيدة في السينما والدراما أبرزها "معالي الوزير" و "العصيان" و "كركر" و "يتربى في عزو" و "واحد صعيدي"، وغيرهم.