مصطفى هريدي: ”ملابس الشباب دلوقتي مبيخليش البنت تحس أن فيه رجولة”

عبر الفنان المصري الشهير "مصطفى هريدي" عن إستيائه بسبب عادات الموضة في الملابس في الوقت الحالي للشباب، مؤكدًا أنها تختلف عن زمانه كثيرًا، كما كشف كيف يتغلب على الأزمات في حياته.

وبحسب تصريحات تليفزيونية قال الفنان "مصطفى هريدي" "الصدمات بتعدي بالتنفيض وتريح الدماغ، والدنيا ماشية والماديات مش كل حاجة"، وتابع "هريدي" "أنا رامي حمولي على ربنا، وربنا ساترها معايا طول ما أهلي في ضهري".

وأضاف "مصطفى" "أنا مبقتش أعرف أدخل اشتري بنطلون چينز، البناطيل اللي موجودة دلوقتي مش بتاعتنا، أنا فاكر زمان كان أبويا ياخدني عند الترزي ويفصلي القماش الصوف بالكسرة الكلاسيك، حتى البنطالون الچينز دلوقتي مش زي بتاع زمان"، وأضاف الفنان "مصطفى هريدي" "دلوقتي بنطلون الشاب بيبقى ساقط والبوكسر باين وملزق وشبه البنطلون الأسترتش، الموضوع أختلف عن زمان، والبنات مبتحسش أن فيه رجولة".

يُذكر أن الفنان "مصطفى هريدي" هو ممثل مصري عُرفت موهبته في التمثيل من خلال أدوار عديدة في أعمال فنية رائعة أبرزهم "طير بينا ياقلبي" و "يجعله عامر" و "الغسالة" و "عمروسلمى" و "مجنون أميرة" و "مرجان أحمد مرجان" وغيرهم.