علاء الدين سويلم  يكتب : تنوير ( ومايضرش حكمه )

 

شرودنجر ؟

عالم نمساوي ( ولايمت بأي قرابه لعبد التواب النمساوي انا ميمو ياد )  خد نوبل في الثلاثينات وله ابحاث ويعرفه اي طالب تانيه هندسه بنظرياته في الكم والاليكترونات والبروتونات ( وحاجات مجعلصه )

تخيل هذا العاقل بلس كان له فضول ( خايب ) فيما لايٰستحب معه الفضول …… واضح ان الهبل موروث انساني عميق ههههههه

ايه الحدوته اهو نتسلي ؟

نيافته قرا في مسرحيه لشكسبير قولته الغير معروف اصلها

( كيريوزيتي كيلد ذا كات ) او الفضول قتل القطه ……

• وايه الغريب ماحنا عارفين الحدوته ؟

بيتهيألك ياعبقرينو اخواتك

لانك اتعلمتها غلط

انت فاهمها ان القط او القطه ( اللي شاف في المصيده حته لحم مشفي من فار هههههه آم مادد بوزه قامت المصيده قافله عليه ومموتاه )

واتعلمتها ان طفاسه القط كانت سبب في موته

مع ان الموضوع كان حاجه مختلفه تماما

• نهارك موف … وهي الحدوته حاجه تانيه ؟

طبعا عشان بس تعرف انهم علموك غلط ههههه

الحدوته ان اخونا شرودنجر هو نفسه اللي الفضول كان مموته مش القط الغلبان …قام جاب القط وحطه في صندوق ( مش سان دوء الاستنخاب ) وحط معاه شويه متفجرات وفرقعها وفضوله ترجمه لارقام وقال

لو فتحت الصندوق الان هايبقي احتمال موت القط  50 % واحتمال انه لسه عايش برده 50 % … وكان فضوله هو مش فضول القط هو سبب انتشار المثل ( وطبعا دفع التمن كالعاده الطرف الغلبان في الحدوته وهو القط )

• كلامك عجيب مع اننا كنا فاهمين ان القط او القطه او القطقوط هو من انتابه الفضول ؟

حتي سؤالك ياآخره صبري فيه غلطه لانك تستخدم كلمه قطقوط او تأنيثها في وصف انسان انه مقطأط هههههه بمعني لذيذ زي القط السيامي شكله حلو وشعره ناعم ويتقافز برشاقه ودمه خفيف …

• ودي كمان موروث غلط يابو الغريف ؟

طبعا ياروح انكل

لان قطقوط معناها في اللغه المطر الخفيف اللذيذ المستمر مانحا الروح بهجه والجو رائحه الفطره …

خد بالك من هنا ورايح اما توصف ابنك او بنتك انه قطقوط او قطقوطه ان معناها بتقول له ( يامطره رخي رخي )

◀️◀️طب بذممكم اهه

مش خدتوا كام معلومه جديده نوفي وكمان عا الاقل ابتسمتوا

ابتسم وكن شرودنجر اخر يمكن تاخد نوبل في فك التكشيره ههههههه واتعلم ان الفضول صفه بشريه وان القط معندوش فضول لكن عنده جعان او شبعان

وياما في الحبس قطاقيط ههههههه

** من صفحة الجنرال المبدع على الفيس بوك