صابرين تكشف تفاصيل آخر مكالمة بالفنان طارق عبدالعزيز..مضايق وبيشتغل من غير نفس

كشفت الفنانة صابرين عن تفاصيل آخر مكالمة بينها وبين الراحل الفنان طارق عبدالعزيز ، قبل وفاته بساعات قليلة عن عمر يناهز ال 55 عام ، إثر أزمة قلبية مفاجئة ، وأشارت إلي أنه غير مبسوط .

وكتبت صابرين عبر حسابها الرسمي علي " فيسبوك " قائلة :" طارق أنت كنت لسه مكلمنى أول أمبارح ، وكنت بتقولي إنك مضايق وبتشتغل من غير نفس ومش مبسوط ، وشوفت فيلم وأنا طفلة وكنت عاوز تكلمني علشان بتحس أني طيبة طول عمري ، وابتسامتي بتحسسك بالزمن الحلو" .

وأضافت صابرين : هو أنت ليه كلمتني ، كنت بتودع صحابك ، لا حول ولا قوة إلا بالله ، عزائي الوحيد أنك كنت في أخر مكالمة بتضحك وقولت لي أنك دلوقتي مبسوط ، بس أنا حزينة وقلبي وجعني قوي يا طارق دموعي مش مخلياني عارفة أكتب إيه … روح يا طارق عند اللي إن شاء الله هتسعد بجواره ويسكنك الفردوس الأعلي يا أطيب خلق الله ياااه علي الوجع ربنا يصبرنا جميعا ".

وقد توفي الفنان طارق عبدالعزيز في لوكيشن تصوير ، أثناء تصويره مشاهد مسلسل "و بقينا أتنين " ، إثر تعرضه لأزمة قلبية و نقل إلي المستشفي ودخل العناية المركزة ولكنه توفي بعد دخوله بما يقرب من ساعة.