حوار| صابرينا بعد نجاها فى «الأجهر»: مصر هى هوليود الشرق
- مصر هى هوليود الشرق
- كل الناس بتحب تيجى مصر وتبدأ الفن فى مصر
- أنا من أنصار المساواة بين الرجل والمرأة
فى كل عام تطل علينا مجموعة من الوجوه الجديدة والمواهب المتميزة ، وتبقى دراما رمضان من أكثر الأوقات التي يظهر من خلالها عدد من الوجوه التى تثبت موهبتها وتكون لها علامات مهمة، ومنهم الوجه المتألق 'صابرينا ' التى كان ظهورها هذا العام فى مسلسل ' الأجهر' مميزا و مختلفا فكان لنا معها هذا الحوار لتكشف لنا عن تفاصيل دورها وأمور كثيرة :..
- كيف ترشحتى للدور ؟
المخرج ياسر سامى عرض عليا دور هايدى وتكلمنا عن تفاصيل الشخصية ، وهو كان شايفنى فيها أوى و عجبتنى الشخصية خصوصاً انها هتكون مؤثرة جداً فى نهاية المسلسل وقصة المسلسل كانت ملحمة بالنسبالى بالإضافة ايضا إلى نخبة النجوم اللى موجودة كل ده عوامل أدت إلى أنى أقبل الدور و الحمدالله التجربة موفقة .
- ما هى عوامل تقمصك له ؟
طبعا قعدت مع المخرج و اتكلمنا كتير عن هايدى وهو شايفها ازاى وتفاصيلها عامله ازاى و عاملتلها هستورى من طفولتها عشان تطلع معايا حتى التفاصيل الصغيرة فيها طريقة كلامها وحركتها ردود أفعالها هتبقى عاملة ازاى وحاولت اطلع كل تفاصيلة فى هايدى وطبعا بمساعدة المخرج و رؤيته للشخصية ووصلنا إلى النتيجة اللى شوفت ها .
- وما هى أوجه الشبه بينك وبين هايدى ؟
هايدى بنت حساسة و أنا كمان فى الحياة كدة ، و متعلقة أوى بأهلها زيه بالظبط ، بنت هادية وفى حاجات كتير بينى وبينها مشتركة بالإضافة إلى طموحها و أن هى مش عايزة طوال الوقت تفضل تاخد فلوس بس مش ده كان هدفها لا هى عايزة تشتغل وعايزة تثبت وجودها و أنا بردو كدة بحب اشتغل ، و اشتغل على نفسى كتير وبحب التحديات فكل ده نقاط مشتركة بينى وبين هايدى .
- هايدى طوال المسلسل تبحث عن المساواة مع أخيها هل أنتِ من أنصار المساواة بين الرجل و المرأة في العمل ؟
أنا شايفة أن المرأة والرجل كل واحد ليه دور يؤديه فى المجتمع احنا مش زى بعض فى اختلافات كبيرة ولكن أنا من أنصار طبعا المساواة بين الرجل والمرأة فى العمل خصوصا إن المرأة عندها حاجات كتير تقدر تعطيها فى الشغل وتقدر توصل إلى أى حاجة الرجل بيوصلها أنا مش بشوف إن فى حاجة تقدر تمنعها فطبعا أنا من أنصار المساواة .
- أصعب مشاهدك فى العمل ؟
مشاهد اعترف الأجهر لأخواته بالحقيقة ده حقيقي كان مشهد فى كمية احساس رهيبة كلها صعبة وأنا دخلت فى الحالة بطريقة غير عادية وفى لحظة دى حسيت فعلاً انى هايدى وحتى بعد ما خلصنا تصوير المشهد أنا فضلت هايدى ، فضلت حاسة بالحزن والصدمة يعنى فضلت حاسة بنفس الاحساس ده لفترة فاحساس المشهد ده كانت صعبة الخروج منها كان صعب فا ده كان من اصعب مشاهدى فى المسلسل .
- العمل مع عمرو سعد حديثنا عنه ؟
طبعا عمرو سعد نجم كبير والشغل معه كان مريح جدا ويخليك تتدخل معه فى أجواء المشهد بطريقة حلوة أوى مش بيبخل على حد بشئ بندخل بنتكلم فى التفاصيل قبل ما ندخل نصور مشهدنا عيشنا مع بعض حالة كل مشهد بصراحة أنا مبسوطة بالشغل معه فحبت التجربة أوى وهو شخصية جميلة جدا ومريحة أوى.
- حديثنا عن العمل مع ياسر سامى ؟
طبعا استاذ كبير وده مش أول تجربة مع ياسر سامى احنا اشتغلنا مع بعض قبل كده وكل تجربة بصراحة حلوة وأحلا من اللى قبلها احنا بنفهم بعض أوى وبرجع معايا كل التفاصيل وببقى مبسوطة ومرتاحة وأنا بصور معه لان متاكدة إن كل التفاصيل طالعة صح وياسر كل تجاربى معه حلوة وخصوصاً الأجهر كان شغلنا مع بعض حلو أوى الحمدلله.
- التصوير فى لبنان لمسلسل مصرى تجربة خاصة حديثنا عنها ؟
التصوير فى لبنان طبعا مختلفة خصوصاً انك بتصور عمل مصرى فى لبنان فأنت بره اللوكيشن فأول ما تتدخل اللوكيشن أنت فى مصر فالتجربة كانت جميلة وشركة الإنتاج كانت عاملة كل مجهدها ، وكانت كل حاجة حلوة فأول لما بندخل اللوكيشن بنحس إن احنا فى مصر وخصوصاً الحارة بتفاصيلها فاكانت تجربة خاصة من نوعها .
- حديثنا عن ردود الفعل التى وصلتك على الدور والعمل ؟
أما بشكر ربنا أنا فى ناس كتير بعتتلى وحبت الشخصية وصلتنى رسائل من كل مكان الناس حبت هايدى وصديقتها وتفاعلت معها جداً ، الحمدلله أنا مبسوطة أوى بردود الأفعال مكنتش متوقعة إن تأثرها هيكون لدرجة دى ورد الفعل اسعدنى جداً فالحمد لله كل ردود الأفعال اللى وصلتنى حلوة .
- هل سنراكى فى عمل تونسى ولماذا اخترتى ان تكون بدايتك الفنية فى مصر ؟
طبعا أى حد هتكون قدامه الفرصة إنه يبدأ فى مصر ، مصر هوليود الشرق كل الناس بتحب تيجى مصر وتبدأ الفن فى مصر فأنا من المحظوظين الحمدلله سعيت لى ده وتحقق لى وبالنسبة لى تونس اكيد إن شاء الله هجهز حاجة هنبدأ نجهز حاجة لى السيزون اللى جاى ونفسى طبعا دى بلدى وأنا عايزة اشتغل فيها وإن شاء الله قريب .
- ما هو جديدك ؟
أنا دلوقتي في فترة راحة وفي عروض أنا لسه بدرسها وهشوف أنا ممكن اعمل ايه وأنا لسه مش مقررة حاجة .
.png)
.jpeg)
.jpg)
.jpg)
 (1).jpg)
