مصادر تؤكد عدم انفصال بسمة بوسيل وتامر حسني.. المتابعة مازالت موجودة

تصدرت مصممة الأزياء المغربية بسمة بوسيل، مؤشرات البحث بعد انتشار شائعة انفاصلها عن زوجها النجم تامر حسني، وحذف صورهما معاً عبر موقع الصور والفيديوهات الشهير انستجرام.

فيما كشفت مصادر مقربة، بأن بسمة قامت بحذف جميع الصور منذ 7 أيام، وليس صورها مع تامر فقط، وذلك تمهيدًا لتغيير شكل الحساب.

وأضافت المصادر، أن بسمة تسعى لجعل الحساب خاص بمشروعها القادم وليس حسابًا شخصيًا.

كما أشار المصدر إلى أن إلغاء متابعة حساب بسمة بوسيل لـ حساب تامر حسني -عبر انستجرام- حدث نتيجة خطأ من مسئول (أدمن) حساب بسمة عبر انستجرام، وأن الإلغاء حدث لمدة 3 ثوان فقط، ثم عادت المتابعة من جديد.

سبق وانتشرت الشائعات حول انفصال تامر حسني وبسمة بوسيل ، في مايو الماضي ، وخرج النجم تامر حسني لينفى الأمر ونشر صورة تجمعه بزوجته عبر انستجرام ، معربًا عن سعادته بنجاح شركتها الخاصة.

وكتبت بسمة بوسيل، حينها عبر حسابها بموقع "انستجرام": "لكل الناس اللي بتبعتلي صور وفيديوهات لتامر وشايفة إنه مش بيعملي احترام سواء في صور أو فيديوهات، يا ريت تبطلوا تبعتولي أي حاجة عشان مش فارقلي أي صور"، مضيفة: "أحب أعرفكم إن إحنا بقالنا فترة منفصلين وبنحضر أوراق الطلاق، يا ريت تحترموا مشاعر كل واحد فينا وبطلوا على الأقل تبعتولي أي حاجة... بالتوفيق".

ورد تامر حسني على رسالة بسمة بوسيل في منشور،:" بسمة حبيبتي للأسف إنتي مفكرتيش كويس وسلمتي ودانك لشر السوشيال ميديا عشان كام تعليق كلامهم فارغ نسوكي إنك عرفتيني وأنا مشهور، ودي طبيعة شغلي اللي عرفتيني بيها، إزاي وصلوكي للزعل وللبعد فترة".

وأضاف تامر :"المهم أنا مش هزعل منك، ولا يرضيني زعلك، إنتي حبيبتي، وأم ولادي أنا سندك وظهرك مهما حصل، بس اللي عايز أقوله لعل نكون سبب خير في توعية ناس كتير، ليه لما أي حد بيزعل من حد بيطلع يكتب عليه في السوشيال ميديا، طب حتى يكلمه الأول، إيه علاقة الناس بمشكلة شخصية بين اتنين ممكن تتحل بالتليفون، أو في زيارة رحيمة بينهم، ويا ريتها مشكلة أصلا، وربنا جعل ما بينا مودة ورحمة، عشان كده للأسف أنتي عارفة إن في ناس في طبيعتهم حب خراب البيوت، ومش هنخلص منهم بس إنتي اللي هتخلصي، من فكرة إنك تسمعيهم، مع إنك مكنتيش كده".

وتابع: "يا ريت تركزي مع طاقة الناس اللي دعولنا ودعوا لأولادنا بكل خير، وفعلا أنا بشكر كل الناس والفنانين اللي سعوا في الخير لينا، وأنا واثق إنك زعلانة دلوقتي إنك كتبتي كده، هو تصرف متهور منك بس ولا يهمك مش عيب الإنسان يغلط ويتعلم، وأنا ياما علمتك ولسه هعلمك، كان نفسي الكلام دا يكون بينا لكن إنتي أشركتي الجمهور الكريم فكان لازم أرد هنا، بينا حب غالي وحياة كريمة وأولادنا وبينا أغلى ما فيها ربنا يخلينا ليهم ويخليهم لينا، يارب، متهورة بس بحبك".

وينتظر الجميع أن يخرج أحد الثنائي ليرد عن الأخبار المتداولة هذه المرة وتأكيدها من نفيها ولكنهما مازالا يلتزمان الصمت ، مع تأكيد المقربون منهم على الانفاصل بشكل نهائي.