مصادر: طلاق تامر حسني وبسمة بوسيل بالاتفاق منذ عدة أيام

آثارت مصممة الأزياء المغربية بسمة بوسيل الجدل خلال الساعات الماضية ، بعد حذفها جميع الصور مع زوجها النجم تامر حسني عبر موقع الصور والفيديوهات الشهير انستجرام.

كما نشرت بسمة رسائل غامضة عبر خاصية القصص القصيرة بموقع Instgram ، قائلة: "اللهم انت حسبي في من ظلمني وانت حسبي في من آذاني وأنت حسبي في من خذلني كفى بك يا الله حسيبا حسبي الله ونعم الوكيل فوضت أمري إليك في كل انسان اغتابني بسوء اللهم انصرنى على من ظلمني فقد وعدتنا لأنصرنك ولو بعد حين وابعد عني يا الله كل من أراد بي شر وقدر لي كل خير".

وكشفت مصادر خاصة لـ موقع جريدة النهار ، بأن النجم تامر حسني قد انفصل عن زوجته بسمة بوسيل بالتفاق بينهما خلال عدة أيام ، ويعيش كل منهما في منزل مختلف.

وأضافت المصادر أن مصممة الأزياء المغربية بسمة بوسيل قررت أن تأخذ أطفالها معها.

سبق وانتشرت الشائعات حول انفصال تامر حسني وبسمة بوسيل ، في مايو الماضي ، وخرج النجم تامر حسني لينفى الأمر ونشر صورة تجمعه بزوجته عبر انستجرام ، معربًا عن سعادته بنجاح شركتها الخاصة.

وكتبت بسمة بوسيل، حينها عبر حسابها بموقع "انستجرام": "لكل الناس اللي بتبعتلي صور وفيديوهات لتامر وشايفة إنه مش بيعملي احترام سواء في صور أو فيديوهات، يا ريت تبطلوا تبعتولي أي حاجة عشان مش فارقلي أي صور"، مضيفة: "أحب أعرفكم إن إحنا بقالنا فترة منفصلين وبنحضر أوراق الطلاق، يا ريت تحترموا مشاعر كل واحد فينا وبطلوا على الأقل تبعتولي أي حاجة... بالتوفيق".

ورد تامر حسني على رسالة بسمة بوسيل في منشور،:" بسمة حبيبتي للأسف إنتي مفكرتيش كويس وسلمتي ودانك لشر السوشيال ميديا عشان كام تعليق كلامهم فارغ نسوكي إنك عرفتيني وأنا مشهور، ودي طبيعة شغلي اللي عرفتيني بيها، إزاي وصلوكي للزعل وللبعد فترة".

وأضاف تامر :"المهم أنا مش هزعل منك، ولا يرضيني زعلك، إنتي حبيبتي، وأم ولادي أنا سندك وظهرك مهما حصل، بس اللي عايز أقوله لعل نكون سبب خير في توعية ناس كتير، ليه لما أي حد بيزعل من حد بيطلع يكتب عليه في السوشيال ميديا، طب حتى يكلمه الأول، إيه علاقة الناس بمشكلة شخصية بين اتنين ممكن تتحل بالتليفون، أو في زيارة رحيمة بينهم، ويا ريتها مشكلة أصلا، وربنا جعل ما بينا مودة ورحمة، عشان كده للأسف أنتي عارفة إن في ناس في طبيعتهم حب خراب البيوت، ومش هنخلص منهم بس إنتي اللي هتخلصي، من فكرة إنك تسمعيهم، مع إنك مكنتيش كده".

وتابع: "يا ريت تركزي مع طاقة الناس اللي دعولنا ودعوا لأولادنا بكل خير، وفعلا أنا بشكر كل الناس والفنانين اللي سعوا في الخير لينا، وأنا واثق إنك زعلانة دلوقتي إنك كتبتي كده، هو تصرف متهور منك بس ولا يهمك مش عيب الإنسان يغلط ويتعلم، وأنا ياما علمتك ولسه هعلمك، كان نفسي الكلام دا يكون بينا لكن إنتي أشركتي الجمهور الكريم فكان لازم أرد هنا، بينا حب غالي وحياة كريمة وأولادنا وبينا أغلى ما فيها ربنا يخلينا ليهم ويخليهم لينا، يارب، متهورة بس بحبك".

وينتظر الجميع أن يخرج أحد الثنائي ليرد عن الأخبار المتداولة هذه المرة وتأكيدها من نفيها ولكنهما مازالا يلتزمان الصمت ، مع تأكيد المقربون منهم على الانفاصل بشكل نهائي.