تامر حبيب: أبويا كان معقدني من وزني ولما مات فهمته

كشف السيناريست تامر حبيب، عما تعرض له من والده بسبب زيادة وزنه.

وقال تامر حبيب خلال لقائه مع الإعلامية منى عبد الوهاب في برنامج "ع المسرح" المذاع عبر قناة الحياة: "أبويا كان من النوع اللي ميعرفش يظهر مشاعره، وفهمته بعد ما مات من وصية كتبها".

وأضاف: "قبل ما يسافر للحج كان متأكد إنه لن يرجع، وليلة سفره كرر 5 أو 6 مرات لو مرجعتش افتح الجواب واقراه، وكان كاتب جواب لا يفتح إلا في حالة وفاتي بواسطة ابني الوحيد تامر حبيب، والجواب في شنطة عرفني أرقامها".

واستكمل عن والده :" أنا طول عمري تخين، وهو عايزني أخس علشان صحتي، لدرجة إنه اشترى عربية علشاني ومنعني أركبها إلا لما أخس، وكان دواء التخسيس يسبب لي العصبية، غير إني في شغل لا أحبه هو المحاسة، وفي يوم كل ده انفجر وقطعت هدومي وقعدت أصرخ بطريقية هستيرية".