علاء مرسي عن أزمة بيومي فؤاد: الفنان زي المحامي والدكتور

علق الفنان علاء مرسي، على الخلاف الدائر بين كل من محمد سلام وبيومي فؤاد خلال الأيام الماضية.

وقال علاء مرسي، خلال تصريحات تليفزيونية له:" راجل بيشتغل شغلته، أومال يطلعوا يعملوا إيه على المسرح، معروف الفترة دي إن المسرح كوميدي، وفيه مسرحيات كوميدية بتتعرض في مصر، وكل واحد يقول ويتكلم وخلاص، كل واحد حر يشتغل أو لأ دي مسألة بتاعته في الآخر المواضيع مش كده، المفروض نتكلم عن اللي جاي وعن شباب فلسطين اللي ضاع، والفنان زي المحامي والدكتور والمهندس".

وأضاف،" ليه رابيطن الشغل باللي بيحصل في غزة ده شيء مالهوش علاقة، المفروض ندعي ليهم ونخلي قلوبنا معاهم وما نتكلمش على الناس لأ نتكلم على غزة يا رب يحميهم وينصرهم وأنا بدعم غزة والدم اللي هناك والأطفال.".