رضا حامد : النقابة لها دور في تشغيل الفنانين وعائلة السبكي نسيوا ”رضا حامد”

تحدث الفنان "رضا حامد" في أحدى البرامج التليفزيونية عن قلة فرص العمل في الوسط الفني مُشيراُ إلي أنه يسعى للتواصل مع نقابة المهن التمثيلية بشأن العمل مجدداً.

وبحسب تصريحات تليفزيونية قال الفنان "رضا حامد" .. "مقدرش أقول إني متواصلتش مع نقابة المهن التمثيلية .. تواصلت بس مع اللي ممكن يحس ويفهم مين "رضا حامد" يعني إمبارح بالتحديد لسه مكلم دكتور "أشرف زكي" قالي أهلا يا أستاذي أنا درست لأشرف.

وأضاف الفنان "رضا حامد" .. "قلت له أنا جراند سهل جداً أشتغل قالي أنا كمان بقيت جراند قلتلوا لا أنا جراند كبير أنت جراند صغير، ده اللي ممكن أكلمه بصفتو النقيب بتاعنا وإني كنت أستاذه لكن مينفعش بقي أكلم كل واحد.

وأشار "رضا" إلى .. "تواصلت مع السبكية لكن "محمد" مش موجود هنا دا اللي أشتغلت معاه كتير، و "أحمد" أشتغلت معاه فيلم واحد كان هائل وكان مبسوط جداً مني وفجاة مع كتر الأعمال اللي بيعملوها نسيو "رضا حامد" رغم أنه كان مبهور بيا.

وأختتم "رضا حامد" حديثه قائلاً .. "أهم شغلانه لنقابة المهن التمثيلية" أنهم يوفروا شغل، في فنانين بتعمل 8 و 9 مسلسلات وفيه فنانين بنفس المستوى مش شغالة طب ليه، النقابة لها دور واللي يقول غير كده جاحد ومعندوش فهم للموضوع.

يُذكر أن "رضا حامد" هو فنان مصري أشتهر بتقديم العديد من الأدوار الكوميدية في العديد من الأعمال الفنية المميزة مثل "الحب كده" و "عمر وسلمى 2" و "نور عيني" و "آخر كلام" و "حبيبي نائماً"، وغيرهم.