بلوجر شهير يحذر متابعيه من الحزن بعد تعرضه لوعكة صحية بسبب الزعل

حذر البلوجر خالد جواد، متابعيه من أضرار الحزن والزعل ،حيث تعرض لوعكة صحية بسب الزعل والنوم وهو حزين إصيب على أثرها بشلل الجانب الأيسر من وجهه ،والتهاب حاد فى عصب المخ.

وكتب البلوجر خالد جواد منشور عبر صفحتها الرسمية على موقع التواصل الاجتماعي فيس بوك، قال فيها : منذ ١٠ ايام حصل مشكلة كده و زعلت جداً و اتضايقت و نمت و انا حقيقى تعبان من الزعل .

وتابع: من فضل ربنا انى صحيت تانى يوم الصبح الحمد لله .. بس صحيت نص وشى واقف تماماً ( الجانب الأيسر ) بما فيهم العين ،مما تسبب فى أن عينى مبتقفلش الجفن ولا بتفتحه ، بسبب تعطيل كلى فى العصب الحسى و التهاب حاد فى عصب المخ المسؤال عن تحريك أعصاب الوجه

وأضاف البلوجر :عشان كده أطباء المخ و الأعصاب و دكاترة الرمد نصحونى أنى اغطى عينى عشان القرانية بتضعف و ده هيدخلنا فى مشاكل تانية .

وقال : انا الحمد لله كويس جداً ، وده ابتلاء من الله سبحانه وتعالى عشان يفوقنى و يقولى ركز فى امتحانك شوية .. ابتلاء وبياخد وقته مع العلاج و التمارين و الحمد لله انا راضى جداً من اللى حصل كدرس اتعلم منه عدم الزعل !

ونصح البلوجر متابعية خلال منشوره: بفكركم و بفكر نفسى .. ان كل واحد ليه امتحانه فى الدنيا .. ركز فى امتحانك و افرح لنجاحاتك و خطط للحظات وقوعك و اتعلم منها و عدى بيها ..ملكش دعوة بإمتحان غيرك .. متزعلش من حد ولا على حد ولا حتى تزعل من او على نفسك .. اتبسط و احمد ربنا و اشتغل و اعمل خير و بر والديك ما استطعت و اسعى فى الدنيا بالخير

تانى ملكش دعوة بإمتحان غيرك .. متخافش على حد .. متشلش هم حد .. اسعى فى الخير ما استطعت .. اكنك بالظبط عربيتك واقفة فى الصحرا و واحد صاحب كلمك قالك الحقنى انا عربيتى عطلانة تعلالى .. فا تسيب شغلك و همك و مشاكلك عشان تروح تمتحن امتحان غيرك

وتابع:ركز فى امتحانك و سيب الناس تركز فى امتحانها الدنيوى .. مش بقولك تبقى انانى و منحط لا بالعكس اسعى بالخير .. بس متبقاش انت بايظ و تروح تصلح غيرك و تنصحة و تسأل عمل ايه و تنسى نفسك اللى ليها حق عليك

و من اهم قواعد الرضا و عدم الإكتئاب هو انك تسامح و تسامح من قلبك لأن الزعل : يعطى الشعور بالقلق أو التململ أو العصبية.. البطء في التفكير أو التحدث أو تعطل حركات الجسم .. الشعور بانعدام القيمة الذاتية أو الذنب أو تركيز التفكير على الإخفاقات السابقة أو إلقاء اللوم على النفس لأشياء خارجة عن إرادتك .. وجود صعوبة في التفكير والتركيز واتخاذ القرارات وتذكر الأشياء .

وتداول رواد مواقع التواصل الاجتماعي واقعة البلوجر خالد جواد، بشكل واسع عبر منصات السوشيال ميديا ،ونال تعاطف ودعم متابعيه الذين توجهوا بالدعاء له بالشفاء .