أمير كرارة: المنسي معايا في كل حتة وأنا مش عبري تمثيل

أبدى الفنان أمير كرارة، سعادته بالنجاح الذي حققه في مسلسل «الاختيار1»، الذي جسد خلاله السيرة الذاتية لـ الشهيد أحمد المنسي.

وقال «كرارة»، في تصريحات تلفزيونية: "الاختيار1 كان تجربة عظيمة، ولغاية دلوقتي المنسي معايا في حتة تانية خالص، والمنسي نفسه غير في شخصيتي وطريقتي مع الناس في الكلام، وأثر فيا بشكل غير طبيعي، وجالي تليفون في آخر حلقة اتبسط بيها وقلبي وجعني، ابن المنسي كلمني في المشهد اللي اغتال فيه، وقال لوالدته تخيلي لو عمل كده، وصل لمرحلة إن هو بيتفرج حاسس إن عامل حاجة كويسة، وكان معانا في اليوم ده اتنين من المعركة وحضروا التصوير، وكان بيقولنا عملنا إيه بالظبط، ومشهد محدش يطلع ورايا مكنش مكتوب، ولحد النهارده العساكر بتقولي يا قائد، والداخلية بتقولي باشا مصر، وكلهم حبايبنا".

وتابع: "النجاح الكبير في الاختيار ينسب لأحمد المنسي مش لأمير، والدور كرم وهدية من ربنا، وأنا مش عبقري تمثيل خالص في أحسن مني مليون مرة، بس هو ربنا إداني الدور ده أنا، عايز إني يحصلي كدا، وكان أي حد ممثل كبير أو صغير أو لسه بيبدأ كان هيحصلوا اللي حصل لأمير كرارة".

واختتم أمير كرارة حديثه في هذا الشأن، قائلًا: "الشنب بطل في حياتي، وأنا شكرته قبل كدا ساعة كلبش مع إن الشنبات كتير معرفش ليه الشنب بتاعي علق مع الناس، وحسين المنباوي مخلنيش أركب شنب في سوق الكانتو، وشيلت من الشنب كل شوية حتة علشان أعرف أخرج بيه في الشارع".

يُشار إلى أن الجزء الأول من مسلسل «الاختيار» نجاحًا كبيرًا، حيث تصدرت مشاهده تريند مواقع التواصل الاجتماعي، وجسد فيه الفنان أمير كرارة شخصية الشهيد الراحل أحمد المنسي، وضم العمل مجموعة كبيرة من أبرز الفنانين ومنهم، أمير كرارة، أحمد العوضي، ماجد المصري، عابد عناني، إياد نصار، وآخرون.