أحمد سعد: لو لبست تيشرت مش بارجع ألبسه تاني وآخر شيميز لبسته كان بـ400 ألف جنيه

قال الفنان أحمد سعد، إن آخر تيشرت ظهر للجمهور بلغ سعره حوالي 400 ألف جنيه مصري.

وأضاف «سعد» في تصريحات تلفزيونية: "لو لبست تيشرت وطلعت به في برنامج مش بـ ألبسه تاني، وأغلى تيشرت لبسته كان آخر شميز ظهرت بيه وكان سعره 10 آلاف دولار، يعني حوالي 400 ألف جنيه".

وفي سياقٍ آخر، كشف أحمد سعد حبه الشديد للفنان اللبناني وائل جسار، قائلًا: "بـ أحب أغاني وائل جسار ولو غنيت أغنية غريبة الناس هغنيها أحسن منه".

وتحدث الفنان أحمد سعد، عن أكثر فترة صعبة في حياته، والتي وصفها باسم فترة «الشدة»، قائلًا: "لما يكون مخي مش مساعدني أفكر بشكل مناسب، والحمد لله بقى لي سنتين دا ما حصلتش".

وأكد أن أكثر شخص وقف معه في حياته، مؤخرًا في كل أزماته، هو أخاه عمرو سعد، قائلًا: "أخويا عمرو سعد وسامح سعد وأخواتي كلهم ومن بره العيلة زوجتي".

ورد على الانتقادات والهجوم الذي تعرض له بعد ظهوره بإطلالة شفافة في حفله بالسعودية قبل أسابيع، وقال على هامش حضوره حفل توزيع جوائز «ميدل إيست ميوزك أورد MEMA»، في مدينة العلمين الجديدة: "باشكر كل اللي هاجمني، لأنهم شايفين إني فرد من أسرتهم وواحد منهم ومارضيوش عليا كدا إني ألبس حاجة وحشة، وحسيت إني جوا كل بيت وجوا كل أسرة".

وتابع: "أوعد جمهوري إني مش هاظهر كدا تاني، ولو في حاجة شبك هاخيطها أنا على إيدي، وأنا فعلًا مش الناس اللي بتصر على الحاجات الغلط، وباطلع أقول أنا غلط طالما ماعجبهمش".