أحمد سعد عن سمية الخشاب: ترقص براحتها وتقول اللي هي عايزاه عليا

تحدث المطرب أحمد سعد عن الانتقادات التي طالته في الفترة الأخيرة بالقميص الشفاف، الذي ارتداه خلال حفله الغنائي الأخير في جدة، مشيرا إلى أنه يعتبر انتقادات وهجوم الجمهور حب وليس كره.

أحمد سعد: بشكر الناس اللى هاجمتنى لأنهم شايفنى فرد منهم

وقال أحمد سعد على هامش حفل توزيع جوائز ميدل إيست ميوزك أورد MEMA: بشكر كل الناس اللي هاجمتني، لأنهم شايفين إني فرد من أسرتهم وواحد منهم ومارضيوش عليا كده إني ألبس حاجة وحشة، حسيت إني جوا كل بيت وجوا كل أسرة، مش هظهر كده تاني، ولو في حاجة شبك هخيطها أنا على إيدي، الناس شايفني في حتة تانية وجوا بيوتهم وأسرتهم، ياما ناس لبست كده ولبست حاجات تانية، ولكن أنا فعلًا مش الناس اللي بتصر على الحاجات الغلط، وبطلع أقول أنا غلط طالما معجبهمش.

أحمد سعد: سمية الخشاب تقول اللى هى عايزه

وعن سخرية سمية الخشاب منه، قال: سمية الخشاب تقول اللي هي عايزاه، وكل واحد يقول اللي هو عايزه وهما كلهم جمهوري وكلهم ناس عايزين مصلحتي، وإنها ترقص على أغنيتي أكيد هي بتحب تشجعني دايمًا وأكيد بتحبلي الخير وإني أكون ناجح، وأكيد الناس مش عايزة تصطاد ليا الأخطاء، كلهم عايزنّي أبقى أحسن وبقيت بالفعل.

وتطرق بحديثه عن سر نجاحه، فقال: طبعًا مراتي هي السر الأكبر والأعظم في نجاحي وربنا يخليها ليا ويخلي ليا بنتي علشان بنتي مهمة جدًا.

أغنية أحمد سعد الجديدة

وعلى جانب آخر انتهى أحمد سعد مؤخرًا من تصوير فيديو كليب يحمل اسم الفلوس، وذلك استعدادًا لطرحها عبر عدد من المنصات الموسيقية في الأيام المقبلة، والتي صُممت لها رقصة جديدة يقدمها الفنان أحمد سعد وذلك عقب نجاح رقصته الشهيرة على أغنية سايربنا يا دنيا.