أحمد سعد: ليه مطربين ذكاء اصطناعي؟.. وعمرو مصطفى يرد: «عشان ألبسهم براحتي»

علق الفنان عمرو مصطفى، على تساؤلات أحمد سعد، عن الذكاء الاصطناعي والسبب وراء إطلاقه أول مطرب بهذه التقنية.

وقال عمرو مصطفى، خلال لقائه فى احدى البرامج : “عشان أعرف ألبسه براحتي يا أحمد، ألبسه كلاسيك ألبسه مش عارف ايه، المهم يلبس براحتي أنا، ده لو انا شرير، اما بقى الرد الطيب هاقوله يا احمد اللي انت عايز تغنيه غنيه”.

وتابع عمرو مصطفى قائلاً: “احنا عندنا أجيال بتمشي ورانا، لازم يشوفونا قدوة وانا أكتر ناس بحب احمد سعد، وعلى فكرة هو اتظلم كتير، لأنه صوت المفروض يبقى موجود من زمان اوي”.

ومن ناحية أخرى ، وجه المطرب أحمد سعد رسالة للملحن عمرو مصطفى وذلك بعد إعلانه عن مشروعه الجديد الخاص بتقديم أول مطرب باستخدام الذكاء الاصطناعي وطرح أغاني بصوته خلال الفترة المقبلة ليرد المطرب أحمد سعد على هذا المشروع بنشر صورة له بنصف رأس إنسان آلي.

ونشر أحمد سعد صورته عبر حسابه الرسمي بموقع إنستجرام وعلق قائلاً: الأستاذ عمرو مصطفى هتعمل مغني بالـAI ليه إحنا قصرنا معاك في حاجة وجاء رد الملحن عمرو مصطفى على رسالة أحمد سعد قائلًا: الأغنيه الي هتعجبك منه غنيها".

عمرو مصطفى عن الذكاء الاصطناعى: فرصة لورثة نجوم الزمن الجميل .

وعلى صعيد آخر، حل المحلن عمرو مصطفى ضيف على احدى البرامج ، والذي تحدث خلاله عن إعادة إحياء نجوم الزمن الجميل من خلال تقنية الذكاء الاصطناعي.

قال عمرو مصطفى عن استخدام تقنية الذكاء الاصطناعي: أنا شايف أن ورثة كل العظماء اللي توفوا جاتلهم الفرصة أن يحيوا ذكراهم بأغنية جديدة، الورثة نفسهم ممكن يختاروها وكمان الجمهور، وأنا بعتبر مي فاروق من أهم الأصوات المصرية، ومش غرور بس أنا اسمي وشغلي والـ 30 سنة اللي اشتغلتهم يسمحولي إني أجرب وأشوف، الصناعة وصلت لدرجة كبيرة من الانحدار في وطننا العربي كله، وعشان نقدر نعمل حاجة نرتقي بيها بالشعوب العربية رجعنا للتراث والمزيكا والموسيقى الشرقية.