لوسي عن عملها راقصة: ما عملتش حاجة غلط أندم عليها

قالت الفنانة لوسي، إن حبها للفن ما دفعها للالتحاق بمعهد الباليه، وهي في عمر 9 سنوات، مُشيرًا إلى أنها بدأت في عملها بالرقص وهي في عمر أحد عشر عامًا، من خلال إحياء حفلات الزفاف.

وبحسب «لوسي» في تصريحات تلفزيونية: "لو كلنا قعدنا سمعنا كلام الناس مش هانعرف نشتغل، أنا ما ندمتش على الفن والرقص، ما عملتش حاجة غلط".

وأضافت: "لو عملت حاجة غلط هقول لربنا اغفر لي وسامحني، لكن أنا ما عملتش حاجة غلط، أنا عملت حاجة العالم كله بيحبها ويقدرها".

وتابعت لوسي، حديثها، بالإشارة إلى أنها اضطرت إلى الرقص في الأفراح، وهي في عمر أحد عشر عامًا، بسبب ظروفها.

واختتمت حديثها، قائلة: "كنت بأكل أسرتي وأنا سعيدة إني عملت كدا ومش حاسة إني مظلومة، هي ظروفي كانت كدا، وأنا سمعتي حلوة والناس بتحبني وبحب الناس وبحب الشغل والرقص والتمثيل والفن والحاجات الحلوة".