حسن شاكوش ردا على انتقادات تكلفة حفل زفافه 4 ملايين جنيه: مستكترين علي الفرحة

رد مغني المهرجانات حسن شاكوش، على انتقادات رواد السوشيال ميديا التي تعرض لها، بعد إعلانه أن تكلفة حفل زفافه بلغت 4 ملايين جنيه.

وبحسب «شاكوش»، خلال بث مباشر لايف عبر حسابه بموقع تبادل الصور والفيديوهات «إنستجرام»: "فيه ناس بيقولوا إزاي صارف على الفرح 4 مليون جنيه، يا جماعة أنا قصدي الفرح بالكامل من بيت وعفش وشبكة وشهر عسل".

وأضاف: "أنا بكلم أي عريس وعروسة وهما عارفين المصاريف والتكلفة وبتلاقي الدنيا فتحت عليك وأكيد دا اللي أقصده، ويا ريت اللي بيحب الخير لغيره يفرح له حتى الفرحة مستكترينها على الواحد دي بتيجي مرة في العمر".

وتابع حسن شاكوش، حديثه: "الواحد بيفرح للدنيا كلها قسمًا بالله ولا عمري فكرت أؤذي حد لكني اتأذيت كتير وأكتر واحد اتعرض للأذى".

واستطرد: "أنا حسبت مجمل تكلفة فرحي من تجهيز البيت والعفش وكل حاجة، وأي شاب بيجيب دهب، وأقل شاب بسيط لو عاوز يتجوز هيدفع شقة وعفش ودهب أقل حاجة 500 أو 600 ألف جنيه وأنا واثق من الكلام دا لأن الدنيا غليت وولعت في العالم كله، ومش بلدنا بس في ناس بتفكر بلدنا بس، وفي أفراح لوحدها بس بتتكلف ملايين غير بقى البيت".

واختتم حسن شاكوش حديثه، قائلًا: "أنا توضيب البيت قطم وسطي وكل المطربين اللي جم لي الفرح جم بالحب لأن ربنا عالم بحالي وباللي جويا لأني عمري ما أذيت حد ولا أتكلمت على حد ولو حد بيفهم أني تنك قسما بالله أنا ما كدا أنا اللي يعرفني في الحقيقة ويعاشرني هيتصدم لأني ماشي بمبدأ ما أحكمش على حد إلا لما أعاشره".