سارة نخلة تهاجم إحدى المذيعات: عديمة المحتوى وواخدة حقن علشان تبيض

وجهت الفنانة سارة نخلة رسالة، إلى إحدى المذيعات، وصفتها خلالها أنها عديمة المحتوى.

ودوَّنت «نخلة» منشورًا عبر حسابها الشخصي على موقع التواصل الاجتماعي «فيسبوك»، قالت فيه: "لما حد يسألك عاملة تجميل يعني أكيد ما يقصدوش ليه أنت بيضا، بس سبحان الله اللي على راسه بطحة بقى، ما هي حقن الجلوتاثيون اللي واخداها عند الدكتور إياه عشان تبيضي لونك دي أول حاجة خطرت على بالك عشان تنكريها عشان الشعب كله عارف لونك قبل وبعد الحقن".

وأضافت: "أكيد يعني لو مسكت حاجة ومسحتي إيدك أكيد أكيد مش هيطلع بودرة يعني ما هي حقن بالوريد، بس خلي بالك بتأثر على الكلى دي معلومة نسي يقولهالك فرعونك الدكتور".

وتابعت: "أما الشعر فهو كله اكستنشن طبعا وعند الكوافير إياه برضو، اللي بشوفك عنده دايما الفرعون السوري".

وقالت سارة نخلة: "تقيلة دم والكاريزما زيرو، والمحتوى ٣ زيرو جنب بعض، عديمة المحتوى، مين قال إن التجميل عيب أصلًا ومين قال أنا مش عاملة تجميل دا أنا أكتر واحدة أصلًا باتكلم وباقول عاملة إيه وفين بس متصالحة مع نفسي وصريحة مع البنات اللي بتحب تعمل زيي وبيسألوني و برد عليهم".

واختتمت «نخلة» حديثها، قائلة: "ماحدش قال يا جماعة أنا ضد التجميل بس دا مش تجميل دا كدب ونفاق".