مصطفى حجاج بعد لقائه بالهضبة: ”قعدت معاك 5 دقايق أتعلمت منك كتير”

عبر الفنان مصطفى حجاج عن سعادته بمقابلة الهضبة عمرو دياب خلال تسجيل ألبومه الجديد، ونشر حجاج صورة له مع الهضبة عبر حسابه بموقع "إنستجرام"، معلقا عليها قائلاً: "قعدت معاك 5 دقائق اتعلمت منك كثير جدًا بجد أنت حاجة مشرفة لمصر والوطن العربي الهضبة عمرو دياب من داخل استوديو أمير محروس".

مصطفي حجاج

وكان المطرب مصطفى حجاج، طرح أغنيته الجديدة "ألف مرة" عبر يوتيوب، وهى من كلمات خالد تاج الدين، ألحان وليد سعد، توزيع أسامة عبد الهادى، ميكس وماستر هانى محروس، جيتار مصطفى أصلان.

وتقول كلمات الأغنية:

ألف مره قولتهالك قلبى ساب

كل ماضى وكل ذكرى والعذاب

أفضل انت جيب فى سيرتى واهرى وانكت

ده العتاب مع أى خاين الاجتناب

الحكاية من يوميها وهى هى

انت عايز كل حاجه حلوة فيا

كنت فالح بس تتشطر عليا

شفت نفسى كتير علي.

وايش جاب لجاب

أنا كنت فاكر ربنا باعتك هدية

ودخلتى بلعبه وأنا دخلت عليا

ورضيت بهمى معاك ولا جه يوم فى بالى

هفرح معاك كام يوم وهتطلع عنيا

انا كنت فاكر دنيتى ضحكتلى تانى

بعد اللى شفته من حبيبى الاولانى

على قد ما انت كنت طيب فى البداية

على قد ما ندمت انى شفتك لو ثوانى.

من ناحية أخرى، أكد المطرب مصطفى حجاج أنه حتى الآن لم يحسم قرار مشاركته في مسرحية "هابى نيوو يير بالعربى" الذى يشارك في بطولتها كل من الفنان بيومى فؤاد وشيماء سيف، وأضاف حجاج أنه حاليًا فى مرحلة قراءة النص وخلال أيام يحسم قراره من المشاركة فيها أم لا؟