إنسان يعنى حقوق وكرامة ومسئولية

بقلم : أميرة حسن

إنك تكون إحساس دا أحساس جميل خاصة فى مقام التكريم بالأفعال مش بس بالكلام .. و مافيش فى الدنيا اجمل ولا اعظم من إنك تحس إنك إنسان ..انسان له حقوق فى المجتمع ، والوطن بيوفرها له..حقوق وكرامه ..حقك تتعلم وحقك تتعالج... تلاقى علاج وتلاقى سرير فى مستشفى...وفصل وتخته ، وكراسه ، وقلم....و معلم ومعلمه و علم تتعلمه

فى حياتنا بيحدث أن خبريمر علينا أو نمر عليه بنقراه وبنعمل شير..بس مش بنركز فى التفاصيل كالعاده

جامعه عين شمس تنشئ مستشفى ميدانى لمواجهه فيرس كورونا المستجد

والخبر التانى استعدادات وزاره التربيه والتعليم لامتحانات الصف الثالث الثانوى

استعداد يعنى مواجهه..مواجهه لأسوأ السيناريوهات...

مش حنسيب حاجه للصدفه...

مستشفى تضم 200سرير بتكلفه 28 مليون جنيه

شبكات كهربا وصرف وهيكل معدنى للمستشفى من الالومنيوم ..مساهمه من صندوق تحيا مصر ب11جهاز تنفس صناعى و100بدله عزل وكمامات ومطهرات ودا طبعا لانه وفقا للارقام وحسب تصريحات وزير التعليم العالى والبحث العلمى

يعنى بحث علمى مش بحث فيس بوكى....

محافظه القاهره من اكثر المحافظات انتشارآ للفيرس

وفيه زياده كبيره فى عدد الاصابات

شئ جميل أننا نشوف تعاون من الناس على الجروبات عبر منصات التواصل الاجتماعى ..ماهو فعلا تواصل اجتماعى ..

بس ياريت يكون تواصل فى الخير بدون مبالغه...

يعنى لما تجمع تبرعات أو كمامات أو اكفان مينفعش تظهر وكأنك المنقذ والبطل و أن الدوله سايبه ايديها ومش شايله الخطر و لا شايفه وحضرتك شايفه من خلال شاشه موبايلك...

محتاجين تواصل فى الخير بس من غير مبالغه...

أما بالنسبه لوزاره التربيه والتعليم وهى من أكثر الوزارات التى تم انتقادها وبشده ..تحت اى ظرف وحتى لو كان استثنائى..بتواجهه موجه من الانتقادات والقلق الغير مبرر

معلمين تقدم إعتذارات عن مراقبه لجان الثانوية العامة بحجه الفيرس والخوف من انتشاره.....

مع أن الوزاره بالتنسيق مع وزاره الصحه ورئاسه الوزرا قامت بتشكيل غرفه عمليات لمتابعه اللجان وتعقيمها وتوزيع كمامات على الطلبه مع مراعاه التباعد بين الطلبه اثناء دخول اللجان بما يعنى أى خطر أو عدوى بفيرس كورونا ..و تم تقديم كل التسيهلات للطلاب مع أخذ كل الاحتياطات .

اعتقد أن أى قرار يتم اتخاذه بعد دراسه وشغل محترم

اللى اتكلمت فيه هو حقك كمواطن والدوله قدمته وبتعمل على تحقيقه...بس متنساش انك كمواطن عليك واجبات

واعتقد أول هذه الواجبات أنك تحب بلدك و تلتزم بالقانون والعرف العام و الأخلاق وتكون "أد " المسؤلية .