أحمد موسى: "الناس اللى حاولت تعتدى على أمام الكنيسة البطرسية دخلاء وأوباش"

علق الإعلامى أحمد موسى، على واقعة منعه من دخول الكنيسة البطرسية، قائلا "أصريت على الذهاب للكنيسة رغم نصيحة البعض لى بعدم الذهاب ولكن أنا مش أحسن من حد، وهدفنا بلدنا، والناس اللى حاولت الاعتداء على ليسوا مصريين وليس لهم علاقة بالبلد وفى كل حته تلاقيهم يعتدوا على الناس".

 

وتساءل أحمد موسى، فى برنامج "على مسئوليتى" على قناة صدى البلد، عن تلك الفئة التى تعتدى على الجميع ولا تترك أحدا فى أى مناسبة، "أنتم رايحين عشان تواسوا أهالى الشهداء ولا ليكم مصلحة؟ وضد مين؟ وأيه مصلحتكم وهدفكم من شتم الدولة؟"، مؤكدا أن هؤلاء ضمن مجموعات ضد قداسة البابا ونظام الحكم.

 

وأكد أحمد موسى، ردا على منعه من دخول الكنيسة البطرسية أن هؤلاء دخلاء على المصريين والكنيسة، موجها حديث إليهم قائلا "أنتم فاكرين لما تعملوا ده هتخوفونا وإحنا عارفينكم وشفتكم قبل كده.. وكل حاجة ضد البلد انتم واقفين فيها".

 

وتابع: "هؤلاء دخلاء، والأهالى المصريين احتضنونا ودافعوا عننا وحمونا من الأوباش اللى بيشتموا فى الدولة من الصبح"، مؤكدا أنهم استغلوا الحدث لتوجيه السباب ضد مصر.