مرتضى منصور: «25 يناير مؤامرة واللي مش عاجبه ياخد بالجزمة»

قال مرتضى منصور ، رئيس نادي الزمالك، إن «25 يناير مؤامرة واللي مش عاجبه ياخد بالجزمة»، بحسب وصفه.

وأضاف في برنامج «الكورة مع الحياة»، على قناة «الحياة 2»، إن «أحمد مرتضى كان عنده حرب عالمية مع نفايات 25 يناير و6 أبريل وكل الخونة اللي نزلوا وأي حد متخانق مع ممدوح عباس، وأستاذ أحمد مرتضى مع احترامي للأخ المحترم عمرو الشوبكي، هو شاب محترم وبعدين إحنا بنقعد نجعر ونقول عايزين الشباب ولما ينزل الشباب نلاقي الحرب القذرة دي».

وتابع: «تخيل فيه ولدين ولد اسمه رشدي وولد اسمه فتحي، نازلين شتيمة في أحمد من 3 أيام، ونازيلن شتيمة في أنا كمان، بس ورحمة أمي يا رشدي إنت وفتحي لأخليكوا تنسوا إنتوا مين، علشان إحنا كنا مؤدبين ومحترمين، أنا مش فاهم».

واستطرد «منصور»: «أيوة 25 يناير مؤامرة واللي مش عاجبه ياخد بالجزمة، وعايز أقولك حاجة هو حرق الأقسام والسجون دي ثورة، 25 يناير اللي جابت محمد مرسي، و30 يونيو المحترمة اللي جابت السيسي، وأحمد مرتضى كان بيمثل 30 يونيو وعمرو الشوبكي كان بيمثل 25 يناير ودي هزيمة قاسية لـ25 يناير، وأيوة مرتضى منصور لسانه طويل، وهكسب إنشاء الله في دايرتي ميت غمر المحترمة بالدقهلية».