بالفيديو.. تامر أمين لـ خالد ابو النجا: ليه كدة يا إختنا ؟

انتقد الإعلامي تامر أمين، الفنان خالد أبو النجا بسبب هجومه على الرئيس عبد الفتاح السيسي والحكومةوالإعلام المصري خلال حواره الأخير مع قناة دويتش فيلا الألمانية.

وقال أمين، في برنامجه "من الآخر"، المذاع على فضائية روتانا مصرية موجها حديثه للفنان خالد أبو النجا: "ياعم الحج، يا ستنا، يا أختنا، بقى ده وقت تطلع فيه في الإعلام وتقعد تقول مصر دي ما عرفش دولة إيه وإيه وتخبط، ده مالوش غير معنيين إما مفيش عندك سينس خالص، أو ليك هدف عايز تنفذه، وأنت لما بتهاجم الإعلاميين أنت بتخش عش الدبابير".

وتابع أمين: "أنت بتهاجم السيسي ليه، هو أنت شايف إن ده الوقت المناسب لمهاجمة السيسي، رغم إني أنا شايف أن مافيش سبب إنك تهاجمه، ده راجل انتحاري شايل مصر في وقت صعب جدا وربنا يعينه ويحفظه".