بالفيديو..أغنية شعبان عبدالرحيم الجديدة عن الدستور

«كفاية خلافات ومعارك والعاقل يلم الدور.. عايزين الكل يشارك فى استفتاء الدستور.. انزل وقول نعم للدستور الجديد.. عشان تصون ثورتك وتفرح الشهيد.. محدش بقى متخاذل ولا خوف هيسكته.. الشعب كله نازل والكلمة كلمته.. ارفع يا شعب علمك وامشى وغنى النشيد.. وانزل عبر عن رأيك فى الدستور الجديد.. انزل وحط صوتك. رأيك مش هيعيبك.. خلاص دلوقتى عرفت عدوك من حبيبك.. حلمنا بالحرية وحلمنا بالتغيير.. انزل وحقق حلمك فى ثورة التحرير.. إنزل عشان دستورك يطلع للناس ويبان.. ويخرس إبن موزة ويخرس أردوغان.. انزل مصر الكبيرة دلوقتى محتاجاك.. خلى فراخ الجزيرة فى العشة يقولوا كاك.. دستور مصر المحروسة يا شعب حر أصيل.. وبحب عمرو موسى وبكره إسرائيل».

هذه هى الأغنية التى تحمل عنوان «نعم للدستور» والتى سيقوم بتسجيلها المطرب الشعبى شعبان عبدالرحيم خلال أيام، يقول شعبان: واثق فى أن أبناء الشعب المصرى سيبهرون العالم بنزولهم لصناديق الاقتراع بالملايين، ليقولوا نعم لدستورهم الجديد كما فعلوا من قبل وأبهروا العالم أثناء نزولهم للميادين والشوارع للمطالبة بحقوقهم، فى ثورتى 25 يناير، و30 يونيو.

وعن زيارة رئيس لجنة الخمسين عمرو موسى له للعزاء فى وفاة زوجته، قال شعبولا: اتصل عمرو موسى بى يوم العزاء وقال لى «معلش مش هقدر آجى»، وفوجئت فى يوم السبت الماضى بزيارته لى، وعندما دخل شقتى وجد صورا تجمعنا مع الوزير عبدالسلام المحجوب، وأمير البحرين، وقال لى: «هو إنت لسه فاكر الصورة دى» ثم تحدث معى مدة نصف ساعة وقال: أنا متفائل بالدستور الجديد والبلد فى تقدم و«إن شاء الله هنعبر بها لبر الأمان».

وفى السياق، يستعد عصام نجل شعبان عبدالرحيم بأغنية عن الاستفتاء، كتبها أيضا الشاعر إسلام خليل تحمل عنوان «هننزل نعم» تقول كلماتها:
«هننزل نعم ونكتب نعم وهنقول نعم على الدستور.. هنطلع نعم نعلى بنعم كله موافق على الدستور.. بنحب مصر وده شعارها خلى الجزيرة كده على نارها.. وقطر اللى أضيق من العشة تفهم وتعرف مقدارها».