أول تعليق من مي فاروق على قرار المحكمة بقضية ضم أبناءها لزوجها السابق

علقت الفنانة مي فاروق على قرار المحكمة برفض دعوة زوجها بضم حضانة أبناءها له بعد زواجها من محمد العمروسي.

ونشرت عبر حسابها بموقع التواصل الاجتماعي، فيسبوك، منشور، قالت فيها: "عمر ثقتي في ربنا ما خابت أبدًا، وظني فيه دايمًا إنه كريم وجميل وساندني، وعارف مين المؤذي ومين الصادق اللي اتظلم، وده اللي بيحصل دايمًا، رضا أمي وأبويا ودعواتهم محاوطاني، وثقتي في إني ما بظلمش حد، أنا اللي بتظلم وبوكل أمري لله".

وتابعت: "ده قمة القوة اللي ناس كتير بيفتكروها ضعف، بس عشان هم عندهم مشاكل، أنا مسنودة بسندة ما يهزهاش بشر، وربنا معايا، ودعوات أمي وأبويا في ضهري العمر كله، وكمان في ضهري راجل محترم وأمين، ثقتي فيه عمرها ما خابت، ربنا يخليك ليا ولأولادنا".

وأضافت مي فاروق: "قانون بلدي وعدالتها النزيهة، وراجل محترم وقف معايا من أول الحكاية، وثقتي فيه كانت كبيرة جدًا، وهو المستشار القانوني ياسر قنطوش فاللهم لك الحمد على نعمك وفضلك وكرمك وسندتك اللي دايمًا عليا نعمة".

واختتمت منشورها بالدعاء قائلة: "يا رب، رد كيد الكائدين، واحمِ قلبي وأولادي من الحقد والغل. اللهم آمين، وانصرني دايمًا، وزيدهم من اللي في قلوبهم، وابعدهم عنا. اللهم آمين."