بدرية طلبة تدافع عن مي فاروق بهذه الطريقة

علقت الفنانة بدرية طلبة على ما تعرضت له المطربة مي فاروق من انتقادات بزواجها من الفنان محمد العمروسي.

ونشرت بدرية طلبة صورة عبر حسابها بموقع التواصل الاجتماعي، فيسبوك، للتعليقات المسيئة لمي فاروق خلال الساعات الماضية، وكتبت عليها معلقة:" هي مي فاروق غلطت في إيه ؟عندها 41 سنة وتقولولها احترمي سنك؟ دا فيه بنات في سنها ولسه متجوزوش أصلا ".

وأضافت:" وبعدين لو على احترمي سنك يبقى تحترمي إنتي سنك يا اللي كتبتي التعليق دا! عملت فرح؟ ماتعمل يمكن مفرحتش قبل كدا وربنا بيعوضها بتستكترو الفرح عليها ليه؟ عيالها كبار؟ كويس يعني فاهمين وواعين وراضيين وإلا انتوا شوفتوهم لابسين مقطع وبيعيطو علي جنب؟ دول كانو فرحانين وبيشاركوها فرحتها".

واستكملت:" إلا إنتي ياللي كتبتي التعليق دا الحنية بتخر منك وأحن على العيال من أمهم؟ مش عاجبك أنها لابسه فستان وطرحة؟ ما تلبس اللي نفسها فيه وهي واخداهم من دولاب أمك؟ اتقوا الله في نفسكم لا فرح عاتقنا ولا في حزن راحمنا ناس مريضة وفاضية متعرفوش ربنا يا تحسدوا وتحقدو يا تطلعوا الغل اللي جواكم في التعليقات ربنا ينتقم منكم".