فيفي عبده: عادل إمام دايما كان يقولي أنتي عرفتي تربي بناتك

كشفت الفنانة فيفي عبده أثناء حلولها ضيفة علي برنامج الراديو بيضحك مع الإعلامية فاطمة مصطفي علي أنها دوما ما كانت تركز علي عملها بجانب تربيتها لبناتها ، قائلة : " عادل إمام كل ما كان يشوفني كان يقولي عرفتي تربي بناتك وربتيهم أحسن تربية .

وأضافت عن رأيها في مهنة الرقص حاليا ، قائلة : " دلوقتي المهنة دي بعافية حبتين ، مش أحسن حاجة ، ومفيش روح الأغلب الكل بيعمل حركات وبس ".

استكلمت فيفي عبده كلامها ، قائلة : عن عشقها الشديد للمسرح ،غلطة عمري إني مصورتش مسرحياتي ، لو كنت أعرف أننا في زمن السوشيل ميديا وها يبقي التطور الجديد ده كنت صورت كل مسرحياتي .

وأضافت : كنت بعمل 135 ألف جنيه من المسرح في اليوم أيام ( حزمني يا ) ، ونفسي أرجع للمسرح تاني ، وأتمني مصر يبقي فيها آلاف المسرحيات اللي بتتعرض .

يذاع برنامج الراديو بيضحك كل خميس من كل أسبوع من الساعة الخامسة مساء إلي الساعة السابعة مساء ، تقديم الإعلامية فاطمة مصطفي ، وأستضاف البرنامج خلال هذا الموسم عدد كبير من النجوم منهم زينة والفنانة غادة عبدالرازق .

واستضافت الإعلامية فاطمة مصطفي خلال المواسم الماضية النجم كريم عبدالعزيز ، أحمد السقا ، ياسر جلال ، أحمد العوضي ، محمد صبحي ، أمير كرارة وغيرهم من النجوم .