أميرة عبد العظيم: أتمنى أقدم برنامج عن مصر أمام الأهرامات.. وإيه المشكلة لما عادل إمام يرتاح

أعربت الإعلامية أميرة عبد العظيم، عن اشتياقها للعودة على الساحة الإعلامية من جديد، بجانب تعليقها على الشائعات التي لاحقت الزعيم عادل إمام.

وقالت أميرة عبد العظيم، في حوارها مع الإعلامية إنجي هشام، في برنامج "المنسي"، المذاع عبر شاشة قناة "هي": أكيد طبعًا نفسي أرجع، ولكن أرجع بحاجة تستفزني إني أرجع، وأنا خلاص اكتفيت من البرامج المنوعات لأني خلاص مش هعمل أكتر من اللي أنا عملته.

وتابعت: نفسي أعمل برامج اجتماعية ونفسي أعمل برنامج قدام الأهرامات، وأعمل برنامج بيتكلم عن مصر، رموز مصر ومثقفين ومصر ونجوم مصر، برنامج بيتكلم عن مصر قدام الأهرامات الثلاثة، وعندي حلم من سنين إني أعمل البرنامج ده، ولكن مين المنتج اللي هيعملي ده.

أما عن الشائعات التي لاحقت الزعيم عادل إمام، فعلقت أميرة عبد العظيم: إيه يعني لما يعتزل؟ هو قدم لينا كل حاجة حلو في الدنيا، وهو سايب لينا تريخ مشرف كعرب وعمل اللي عليه، إيه يعني لما يرتاح من الضوضاء والدوشة، التمثيل ده مرهق جدًا، وأستاذ عادل إمام قدم كل حاجة حلوة في السينما والتلفزيون والمسرح، وعلى فكرة هو مستريح لكن عايش معانا، إحنا طول اليوم شايفينه وعمرنا ما حسينا أنه مش موجود.

وبرنامج المنسي، من تقديم الإعلامية إنجي هشام على شاشة قنا هي، ويُعرض يومي الخميس والجمعة من كل أسبوع في تمام الساعة الحادية عشر مساءا، ويحل عدد من نجوم الفن ضيوفًا على برنامج المنسي، للحديث عن بدياتهم وتفاصيل مشوارهم وتفاصيل التحديات التي واجهتهم على مدار مشوارهم الفني.