فيفي عبده: عملت 37 عمرة وحجيت 5 مرات ولو اتجوزت 100 مرة إيه المشكلة؟

كشفت الفنانة فيفي عبده، أسرارًا كثيرة حول حياتها الشخصية، بجانب ردها على منتقدي مهنة الرقص وأمور أخرى حول جوازها.

وقالت في لقاءها مع برنامج عندي سؤال بقناة المشهد: الرقص حرام ليه؟ هو مش شغل زي أي شغل، وهو الباليه حرام؟ الرقص له احترامه وناسه اللي بتحترمه.

وتابعت: أنا محجبة طول الوقت، أنا مش منفلتة، واعتبر نفسي إني محجبة بأني معملش حاجة غلط، ولا أجيب سيرة الناس، محجبة في لساني وتصرفاتي، وربنا لو قال لي في أي وقت البسي الحجاب، هلبسه.

وأوضحت: عاملة 37 عمرة، وقمت بأداء فريضة الحج 5 مرات، ومقلتش ده قبل كده.

واستطردت: بقول لبعض الناس الفنانين عندهم حاجات كتير حلوة أنتم مبتقدروهاش لكن ربنا بيقدرها.

واختتمت كلامها قائلة: مطمئنة جدًا وحاسة إني هقابل ربنا وأنا مستريحة.