لبلبة: بكيت وقت تكريم عادل إمام وبحس بيه من غير ما يتكلم

تحدثت الفنانة لبلبة عن علاقتها الطويلة والتي استمرت منذ عشرات السنين مع الفنان عادل إمام كما تحدثت عن تكريمه مؤخرا.

وخلال لقائها في برنامج "يلا نحكي" مع الإعلامية جومانا بوعيد الذي يعرض على شاشة LBC قالت لبلبة ": أنا وعادل إمام عشرة طويلة وعملنا آخر مسلسلين "صاحب السعادة" و"مأمون وشركاه"، أنا بعتبر كل مسلسل فيهم 5 أفلام، بنشتغل 7 شهور وكل يوم مع بعض وبناكل ونفكر ونمثل مع بعض، أنا عاشرت سينمائيين والأستاذ عادل إمام أكتر ما عشت مع أهلي في بيتي".

وأضافت لبلبة: العشرة بيني وبين عادل كبيرة وبحس بيه وبعينيه وإمتى هيقول إيه، لا يمكن أبوظ له إفيه، وهو عارف أنا بحبه قد إيه وبخاف عليه قد إيه، وبعرف هو زعلان ولا مبسوط من مشيته في الطرقة بتاع الاستوديو.

أما عن تكريم عادل إمام قالت لبلبة "بكيت وقت تكريم عادل إمام، لأنهم جابوا مقتطفات من أعماله، والعينين دي عينين الأستاذ عادل، تضحك وتبكي، يديكي البؤس والغلبان والفرحان، هو فعلًا زعيم الفن وحبيبنا، عادل إمام ياخد قلبي، ولما أشوفه أبقى حاسه إني شايفة الفن كله".