لبلبة : أتمني أن تنزاح الغمة عن غزة وربنا يلطف بيهم

صرحت الفنانة لبلبة للنهار قائلة : " أتمني من الله أن تنزاح تلك الغمة ، وكل الناس اللي بتموت دي ربنا يلطف بيهم ، ويحط إيده عليهم .

وأضافت " لبلبة " : " أمنيتي البلاد دي ترتاح وربنا يقف معاهم ، والناس دي تستريح ، ومنسمعش حاجة وحشة تاني عنهم ، والأطفال اللي بتموت دي قلبنا موجوع عليهم " .

وأشارت لبلبة " أنا مقدرتش أحتفل بعيد ميلادي السنة دي ، لأن عندي حالة وفاة ، وكمان قلبي موجوع علي الأطفال وأسرهم في غزة ، وليس هناك أي نية لأي رفاهيات أو أحتفالات حتي يستريح هؤلاء الأطفال وأسرهم في غزة من تلك الحرب والعدوان ".

وأردفت : كلنا تعبانين نفسيا من الأحداث إللى بنشوفها في غزة ، وقلبنا موجوع علي الناس دي ، مشاهد قتل الأطفال وأسرهم في غزة ، والعدوان علي المستشفيات والمدنيين العزل ، مشاهد وجعت قلوبنا ، وأمنيتي الأولي والأخيرة أن أشوف الناس ترجع لحياتها الطبيعية بدون خوف وقلق وربنا يقف جنبهم .

وإختتمت لبلبة: أن شاء الله إرادة ربنا ورحمته أكبر من أي شئ.