الناقدة ماجدة خير الله عن مسلسل سفاح الجيزة: القتلة أكتر من الهم على القلب.. وهنا الزاهد لازم تشتغل على نفسها

كشفت الناقدة ماجدة خير الله عن رأيها في مسلسل سفاح الجيزة خلال مداخلة هاتفية فى احدى البرامج التليفزيونية قائلة: قصة فيها كل عناصر الاثارة ومغرية لتحويلها لعمل فني، المسلسل اتعمل علشان الناس تدرك أن مش كل واحد لابس شعار التقوي والورع وصوته هادي وبيعامل الناس كويس يبقي راجل طيب لازم الناس يبقي عندها وعي أنها متنخدعش بالمظاهر.

وتابعت: كل الناس اللي قتلهم يعرفهم بشكل أو بأخر واحدة اخت البنت اللي هتتجوزها وواحدة قريبه منه كلهم في دائرته فلما يكون كل القتلى في دائرة شخص عليه هذه الشبهات فالناس تكذب نفسها وتقول لا مش هو السبب يبقي الناس في غفلة المسلسل خلى الناس تاخد بالها أن في حاجات زي كدة.

وأوضحت رأيها بشأن القضية التي رفعها أحد المحامين على صناع عمل المسلسل بحجة أنه يصنع ١٠٠ مليون مجرم قائله: هذا كلام هراء لأن الأفلام المصرية والعالمية اللي فيها قاتل متسلسل كتير جدا دي زي ما بيقولوا أكتر من الهم على القلب الناس كلها قتلت بعضها.

أما عن أداء أحمد فهمي قالت: أداء أحمد فهمي كان مفاجأة خصوصا أنه تحلى بالشجاعة وغير منهجه الكوميدي خصوصا أن شخصيته في هذا العمل ضد البطل ولكنه مع ذلك ابهرنا بأداءه وساعده على ذلك الإخراج المبهر لهادي الباجوري وتأليف العمل.

كمل فسرت هجومها السابق للفنانة هنا الزاهد قائلة: هنا على مدار أكثر من عمل تفضل نفس الأشياء بنفس تون الصوت مينفعش اتفرج على عمل وانا عارفة هو هيعمل اية وشكله اية وكل حاجة حتى المكياج والباروكة مفيش أي مفاجأت أو تغير يجب أن تبذل جهد.