ماجدة خير الله: بنت إيمان البحر درويش عملت كده علشان تكسب تعاطف الناس ولو كان فايق كان رفض

أعربت الناقدة الفنية ماجدة خير الله، عن إنزعاجها الشديد من نشر ابنته صورة له وهو في فراش المرض، التي نشرتها عبر حسابها الشخصي بموقع فيس بوك.

وقالت "خير الله"، في تصريح خاص لـ "النهار"، "ميصحش أن بنته تنشر صورته وهو تعبان حتى أي ظرف أو مقصد، المفروض أنه قاعد في بيته ومستور ميبقاش يقدم صورته في هذا الشكل حتى لو اللي عمل كده أقرب الناس إليه".

وتساءلت ماجدة خير الله "هل بنته عملت كده علشان تكسب تعاطف الناس معاه؟ طيب وبعد التعاطف الناس لم تملك حاجه في ايديها"، "في حاجه اسمها الخصوصية والأمانة وأنا بلومها جدا حتى لو كان مقصدها شي أخر".

وتابعت: "لو إيمان البحر درويش كان فايق مكانش رضى أن حد يصوره بالشكل ده.. عيب كده"، وبسؤالها أن محامي إيمان البحر درويش أكد أن حساب ابنته تم اختراقه قالت :"اي كلام بيتقال ملهوش لازمه".

وفي نفس السياق كشفت الإعلامية مفيدة شيحة عن الحالة الصحية للمطرب إيمان البحر درويش بعد تعرضه لأزمة صحية شديدة عقب نشر ابنته صورة له على فراش المرض وذلك عبر حسابها الشخصي بموقع فيس بوك.

وقالت "شيحة"، خلال برنامجها: "الناس كلها زعلت من بنت إيمان البحر درويش بسبب نشرها لهذه الصورة.. المرض مفهوش متاجرة ومكن تكون نشرتها وهي في حالة مش كويسة بس كفاية جلد فيها".

وطالبت مفيدة من متابعي السوشيال ميديا بضرورة توقف نشر تلك الصورة وعدم تداولها على أي نطاق، مشيرة أنها تسعى للوصول إلى إيمان البحر درويش لكي تساعده ويتم نقله لأحد المستشفيات لكي يتماثل الشفاء.

وأضافت: "اللي احنا عرفناه إن الفنان إيمان البحر درويش يعاني من جلطة في المخ وغيبوبة كاملة .. فأنا هعتبر ده عذر إن بنته نزلت الصورة دي عشان تطلب مساعدة أو تطلب دعاء أو تطلب أي حاجة نلحق بيها والدها لسبب ما أكيد هي بنت وخايفة على أبوها".