اللى معاه واللى مش معاه هياكل.. ”أم محمد” راعى الغلابة فى سوق الجمعة بالإسكندرية

"اللى معاه و اللى مش معاه هيأكل" .. شعار أطلقته "أم محمد"، صاحبة ال "60عام"، اقدم بائعة فول و طعمية فى سوق الجمعة بالإسكندرية.

قالت "أم محمد": بدأت تعلم صناعة الفول و الطعمية منذ سن العشر سنوات حبآ فى الصنعة و والدى هو صاحب الفضل عليا بعد ربنا فى تعلم الصنعة لانه حببنى فى الشغلانة.

وأشارت "أم محمد"، أنه كان عندنا عربية خشب بسيطة أبويا كان بيطلع يشتغل بيها، و كل الناس كانت بتحب تشترى من عنده، لانه كان بيعمل الفول بطريقه بسيطة، بنعمل الفول بالميه فقط بدون أى اضافات، عشان كده كان بيطلع طعمه حلو أوى، لحد ما أصبح والدى من أشهر بائعى الفول فى سوق الجمعة.

وأضافت "أم محمد"، أنا بشتغل دلوقتى فى السوق مع زوجى رمضان، ببدأ يومى من الساعة قبل الفجر، حيث أقوم بالتجهيزات كلها، مثل تسوية الفول و عجبنة الطعمية و تقطيع البطاطس، ثم ببدأ البيع الساعة 6 صباحآ حتى الساعة 5 مساءآ، وكله حسب تساهيل ربنا والانتهاء من الطلبات الموجودة على العربية.

وأكدت "أم محمد"، أن الأسعار عندنا فى متناول الجميع، الطلب عندنا بيكون عبارة عن «طبف فول و طبق طعمية و عيش و مخلل ب10جنية فقط»

خاتمه حديثها قائلة، «اللى معاه و اللى مش معاه هيأكل، و عمرى ما هقول للخير لا أبدا، ده لربنا وهو بيكرمنا وبيعوضنا وكفاية علينا دعوة الناس الحلوة، وهو ده العمل الصالح اللى منتظرينه في الآخرة».