محمد شاهين: ما اتجوزتش لحد دلوقتي لأن الحب مش بيدوم ولما ربنا كرمني سددت ديوننا

كشف المطرب محمد شاهين، عن سبب عدم زواجه حتى الآن، مُتحدثًا عن مشواره الفني وعن أزمته مع مغني المهرجانات حمو بيكا.

وقال «شاهين» في تصريحات تلفزيونية: "لسه ما اتجوزتش ماجاش النصيب، وفيه جواز صالونات بينجح أكتر من الجواز اللي بيكون عن حب".

وأضاف: :أنا مع العقل في الجواز وبـ أحكم بالعقل، ومع مقولة الدكتور مصطفى محمود وهي إن الحب مش بيدوم".

وبشأن أزمته مع مغني المهرجانات حموبيكا، أوضح شاهين: "ماعنديش مشاكل مع حمو بيكا خالص، وعملت تراك أغنية معاه من فترة كبيرة والأغنية مانزلتش، ولكن مفيش خلاف بينا".

وكشف محمد شاهين عن عمله قبل دخوله مجال الغناء، قائلًا: "اشتغلت وأنا عندي 13 سنة، واشتغلت مهنة كوافير رجالي وكانت مهنة والدي، وكنت بشتغل بالليل مغني في الأفراح".

واختتم «شاهين» حديثه بالإشارة إلى علاقته بـ شقيقته، قائلًا: "أول ما ربنا كرمني جوزت أختي وبعديها كان علينا فلوس سددتهم، وكنت أول حاجة عاوز أعلمها كنت عاوز والدي ووالدتي يطلعوا عمرة مع بعض وحصل واتبسطت بدا جدًا".

يُشار إلى أن آخر أغاني محمد شاهين هي أغنية «لون باهت»، والتي طرحها على قناته الرسمية بـ يوتيوب منذ شهر، والأغنية كلمات محمد شافعي وألحان وتوزيع إسلام رفعت.