انهيار مروة عبدالمنعم على الهواء: كنت فاكرة تامر حسني هيقف جانبي

تحدثت الفنانة مروة عبدالمنعم، عن مرورها بمحن عديدة، مُشيرة إلى الأشخاص الذين تخلوا عنها، لاسيَّما بعد ابتعادها عن الفن.

وانهارت «عبدالمنعم»، خلال لقاء تلفزيوني، قائلة: "كنت لسه باقول لبنتي مش عارفه أنا صرفت عليكم طول السنين اللي فاتت دي إزاي! بس بتمشي، أنا وقفت جانب نفسي ماحدش وقف جانبي، طبعًا بعد ربنا، ربنا دا عظيم وكريم ، بقعد ساعات أقول أنا باصرف السنة دي إزاي!".

وأضافت: "أشرف زكي وقف معايا، وإدوارد كان وقتها معايا، وماكانش كتير، ودول اللي كانوا واقفين معايا، ومش هاقول مين اتخلى عني، وفي ناس استنيت إن هم يبقوا معايا ومزعلني قوي ومش عايزة أقول مين".

وتابعت مروة عبدالمنعم: "ما كانوش أصحابي قوي وعلى الأقل في بينا عشرة من الوسط الفني، ولما أقابلهم في لوكيشن بيقولوا لي إيه الأخبار وبيسألوا عليا، وباقول الأسماء في الحاجة الكويسة".

واستطردت حديثها، قائلة: "وأشرف زكي وقف معايا جامد جدًا بصراحة، ومن أكتر الناس اللي وقفوا معايا، كنت متخيله إن تامر حسني يسأل عليا، وخاصًة كان لسه في عمر وسلمى حصله موقف في الجيش وروحت له مع إني لسه ماكنتش صاحبته، والناس اللي بينا عشرة شغل فقط ماسألوش علي، احنا مش عشرة خروج وفسح، وتامر من الناس اللي قريبة مني، ومابعتش رسالة ولا كلمني".

واختتمت حديثها، قائلة: "أحمد صفوت من الناس اللي وقفوا معايا، وأحمد زاهر وقف معايا في حاجات كتير جدًا".