محمد سامي: «جعفر العمدة» ما نجحش بالصدفة ومحمد رمضان أشطر ممثل في مصر

أعرب المخرج محمد سامي عن سعادته بانتشار مسلسل «جعفر العمدة»، وتفاعل الجمهور معه، منذ بدء عرضه ضمن ماراثون دراما رمضان رمضاني.

وبحسب «سامي»، في تصريحات تلفزيونية : "الحمد لله جعفر العمدة حقق النجاح اللي الواحد تمناه وأكتر كمان، وتفاعل معاها العالم العربي، وجعفر العمدة منجحش كدة بالصدفة فيه حوالي 800 شريك في نجاح المسلسل دا".

وأضاف: "بيننا أنا ومحمد رمضان كيمياء واستيعاب في الأفكار، ومش كل الممثلين اللي بيشتغلوا معايا ممكن أطلب منهم نفس الطلبات اللي بطلبها من رمضان في التمثيل، لأن قدراته غير عادية، بكتب وأنا مرتاح ومحمد بيجتهد معايا الحاجة اللي ممثل بيلاقيها لذلك بيسلم وبيثق في اللي أنا باعمله".

وتابع محمد سامي: "أول حاجة قولتها لمحمد رمضان في شخصية جعفر العمدة، أن دا راجل جنتل شعبي، كنت بعمل شخص مبني على فكرة التناقضات وفيه العادات اللي تخلي الناس تتوحد مع الشخصية ويحبوها، وبيقدم العائلة ودي أهم حاجة فيه كبطل شعبي، وكلمت محمد مرة قبل التصوير بـ أسبوع قولت له لو الشخصية ما اتقدمتش بطريقة تدخل القلوب المسلسل دا مش هينجح، وكان بيبهرني هو ممثل مش عادي".

واختتم محمد سامي حديثه، قائلًا: "مصر مليئة بالنجوم وعامرة بالنجوم، ومحمد رمضان أشطر ممثل في مصر حاليًا وأكيد مش عايز حد يبقى زعلان، ولكن محمد رمضان قدراته التمثيلية مش عادية، وكل النجوم فوق راسي، ودايمًا هبقى منحاذ لـ محمد رمضان لأن أكبر نجاحاتي معاه، وما اعتمدش عليه مرة وخذلني، ودايمًا أقول أدي لمحمد سنتي يرجع متر".