محمد مختار بشأن انفصاله عن رانيا يوسف: مش مبسوطة بعد طلاقنا وكانت بتعيط

كشف المنتج محمد مختار عن تفاصيل انفصاله عن الفنانة رانيا يوسف، مؤكدًا أنهما اتفقا على ألا يعودا مجددًا بعد انفصالهما، كما كشف عن تقسيم وتوزيع ممتلكاته بين أولاده من زوجاته.

وبحسب «مختار» في تصريحات تليفزيونية: "إن ما حدث وقت انفصاله عن الفنانة رانيا يوسف، أنه طالبها بالتريث قبل الطلاق ولكنها أصرت على الطلاق، وخلال إجراء مراسم الطلاق أمام المأذون كانت تبكي بغزارة، خلال وجود المأذون كان فيه عياط وبكاء وطلعت من أمان جامد وكانت مضيقة مش مبسوطة بعد الطلاق".

وتابع: "أول لما اطلقنا كنا أصحاب جدًا لمدة أربع سنين، وهي في الجوازة التانية جالها واحد بعد كل أصحابها اللي حوليها ولعب عليها لحد ما قفشت الحكاية وأثر عليها جامد ومن هنا حصلت المشاكل بينا وما كنتش حابب كدا".

وكشف المنتج محمد مختار، عن توزيعه ثروته في حياته على بناته من زوجاته وشقيقهم عمر، قائلًا: "وزعت ممتلكاتي على بناتي وأخوهم عمر من دلوقتي وأنا لا أملك شيئًا وهما حاليًا بيخدوا حقوقهم والفلوس اللي سيبها كويسة".

وأضاف، أن علاقته ببناته جيدة ويملتك ورق رسمي مكتوب في عقد مع المحامي الراحل فريد الديب بما أنفقه على بناته من رانيا يوسف، معلقًا: "أنا حاليًا مستور أكثر بما امتلكه من أهلي، والأفلام كانت بتصرف بجنون وبتحقق إيرادات جنونية ولكن المصاريف كانت جنونية بردو".

واختتم محمد مختار، حديثه قائلًا: "كل اللي اتطلب مني عشان البنات عملته ودفعت مدارسهم ومصاريف أكلهم وشربهم وحياتهم قبل القضايا وبعدها ودخلنا فترة في عملية عناد، والأب بعد القوانين الجديدة ما لوش لازمة في التربية وهو فلوس بس، وأولادي اتنقلوا من مدرسة لأخرى وما عرفش حاجة".