ميدو عادل: أحمد السعدني قال لي الوسط مش زي زمان وماحدش هيحترم تاريخك

كشف الفنان ميدو عادل تفاصيل مشاركته في مسلسل سره الباتع، الذي ينافس به ضمن موسم دراما رمضان، معربًا عن حبه الكبير لـ العمل مع المخرج خالد يوسف، والفنان أحمد السعدني.

أعرب الفنان «عادل»، في تصريحات إذاعية، عن حبه الكبير لخالد النبوي، قائلًا: "أنا من الناس اللي بتحب خالد النبوي ومكنش فيه نصيب إن أخش معاه في المسلسل الإمام الشافعي، ومن عشاق اللغة العربية".

وأضاف: "باشتغل من وأنا عندي 3 سنوات ربنا قرر إني أشتغل فنان، يعني أنا 37 سنة شغال ممثل، وطبيعي أتفرج على كل الأعمال، ودا بيساعدني بشكل عام وفي المهنة".

وبشأن مشاركته في مسلسل سره الباتع، قال: "سره الباتع مسلسل يناقش قضية مصرية عن المقاومة المصرية وروح الشعب، وديه السيرة اللي بنمشى ورا السلطان بتاعنا حامد اللي هو النجم الكبير أحمد السعدني، وفخور إني اتعرفت على أحمد السعدني".

وعن تعاونه مع الفنان أحمد السعدني، والمخرج خالد يوسف، قائلا: "فيه نجوم كبيرة جدًا بس أحمد السعدني هو البطل الدرامي لسره الباتع، بفرح بيه لإنه نجم شاب، والسعدني استغل نجومية بالشكل الفني فقط مش بالشكل التجاري، وديه أزمة كبيرة في الوسط الفني، محمود الجندي كان خلافي معاه بقوله إن الوسط مش زي زمان محدش هيحترم تاريخك، السعدني إداني أمل، إن الخط اللي ماشي عليه مش غلط".

وتابع ميو عادل: "سره الباتع بيحكي عن الناس المصرية البسيطة، أحمد فهمي نجم شباك من الدرجة الأولى، وإنه يسيب كل المسلسلات اللي بتتعرض عليه ويقبل دور مختلف شابوه ليه جدًا، وإحنا مش بنحكي شيء واقعي ديه شخصية خيالية، ومع نهاية المسلسل حامد زي الأبطال المصريين اللي بندور معاهم".

وأشار إلى أنه، "حاجه تاريخية مختلفة مش كتير هيجيلك نفس الدور، ناجي بيحب الشيخ صابر وحامد بجنون، ومن أهم مميزات سره الباتع النخوة، بعد ما قعدت مع أستاذ خالد قبلت الدور، وهو راجل مخلص، بمثل مسرح من وأنا عيل صغير، كنت قلقان بالعمل، مخرج مثقف جدًا بيحب شغله، طول الوقت بيلون نفسه، وديه حاجه غريبة جدًا، واتبسطت إن لقيته بينتقد نفسه طول الوقت، بنى آدم جاي يشتغل، ولما بيتعصب على حد بيروح يعتذره".

وبشأن أعماله الفنية، قال ميدو عادل: "سره الباتع مسلسل مهم هيزدني فخر إني في تاريخي إني عملت فيه، ومن 2010 إلى الآن عملت أكتر من 70 عملًا منهم، 50 عملًا راضي عنهم، وعملت 12 عملًا ضيف شرف".