صرخة مسن أمام محكمة الأسرة: ”مراتي طردتني من البيت وخانتي مع جارنا”

بعيون تنهمر منها الدموع الحارقة، وبرأس منكس وقف رجل على مشارف الستينات من عمره يروى تفاصيل مؤلمة عن زوجته التي خانته بعد أعوام طويلة عاشا فيها زواجًا سعيدًا، وفر لها خلالها كل سبل الراحة والرفاهية.

بدأ المسن حديثه أمام محكمة الأسرة بالتجمع الخامس: "عيشت مع مراتي سنين وحياتنا كانت سعيدة، عملت ليها كل حاجه نفسها فيها، طلبت أكتب لها بيت الزوجية بأسمها، علشان تتأكد إني مش هتجوز واحدة تانية، وافقت وكتبته ليها لأني كنت شايف منها وقتها الحب الحنية".

وتابع المسن: "مراتي اللي كنت بعتبرها نفسي، لما تعبت شوية وقعدت في البيت من غير شغل، طردتني من البيت ومنعت ولادي يكلموني.. كنت مستني منها تساندني في محنتي مش تسيبي من أول أزمة وترميني في الشارع".

وأكمل: "اكتشفت إن مراتي بعد سنين جواز وحب، كنت الظهر والسند ليها ولأولادنا أنها بتخونني مع جارنا الشاب اللي قد عيالها.. ولقيت الجيران بتتكلم والناس كلها تعرف عن الموضوع وأنا اللي كنت مغفل ومعمي عن الحقيقة".

واختتم المسن: "مش عايز حاجة غير ولادي و بيتي، وللسبب ده أقمت قضية طلاق رقمها 1394 لسنة 2021، والمحكمة تنظر القضية ولم يتم الفصل فيها حتى الآن".