هل حزلقوم صاحب لعبة السبيط؟.. فزاع يكشف حقيقة صورته مع هدرس من كواليس الكبير 6

أوضح الفنان هشام إسماعيل، أن الصورة التى نشرها مع الفنان محمد سلام من كواليس مسلسل الكبير 6، وظهر فى خلفيتها أحد الشباب يشبه شخصية "حزلقوم"، وقيل عنها إنها لحزلقوم وأنه من قام بعمل "لعبة السبيط" لأهالى المزاريطة، مؤكدًا أنه ليس لـ"حزلقوم" وإنما لأحد الشباب كان يرتدى "ماسك"، مشيرا إلى فكرة المسلسل هى الكوميديا وليس الإثارة والتشويق.

وأعاد إسماعيل، نشر الصورة مرة أخرى، وأتبعها بتعليق: "نظرا لانتشار التكهنات الجبارة ده مش حزلقوم، ده شاب عادى من الحراس قالع الماسك، والموضوع مش صاصبينس أوى كده لدرجة مين اللى عامل اللعبة، لأن الأساس الكوميديا مش الصاصبينس، يطلع زى ما يطلع المهم تضحكوا وتتبسطوا مش تكتشفوا مين اللى عامل اللعبة، أى حد قعد يقول الصورة حرقت.. فرفش واتبسط ده مش الجزء التانى من سكويد جيم".