نجيب ساويرس يطالب الحكومة بدعم القطاع الخاص

طالب المهندس نجيب ساويرس رئيس شركة أوراسكوم تيلكوم القابضة للإعلام والتكنولوجيا، الحكومة، بضرورة فتح المجال بشكل أكبر أمام القطاع الخاص للاستثمار فى مصر، مستشهدا بنجاحات أحمد أبو هشيمة فى هذا المجال.

وقال ساويرس، فى مقابلة مع قناة "CNBC عربية": "الحكومة قاعدة على كمية أصول غير مستغلة وأراضى فى أفضل الأماكن بدون استغلال، وبتطبطب على المصانع اللى بتخسر مئات الملايين فى المحلة والحديد والصلب.. ويقولك قلعة الصناعة الوطنية"، معلقا: "قلعة مين يابا!.. فين ياعم الصناعة! شوفوا أبو هشيمة نجح أهو وعمال يدخل فى فلوس، وكذلك أحمد عز، والقطاع الخاص هو اللى بيعمل كده، مستدركا "دا مش عيب أصحوا بقى".

وتابع: "الحكومة بتدفع فلوسها فى الخسائر.. ونحن ندفع أموالنا فى الضرائب عشان التلفزيون يخسر 3 مليارات، وشركة حديد حلوان تخسر 500 مليون والمحلة 7 مليارات كل سنة خوفاً من العمال، بيعوها وامنحوا كل عامل ثروة نص مليون ولا 200 ألف وكل واحد يبدأ شغلانة زى الناس، لكن الواقع إن الناس بتيجى الصبح يمضوا ويروحوا وكل واحد عنده شغلانه تانية عايش منها.. مش هنضحك على بعض".

وأوضح أن الخصخصة أصبحت فى مصر كلمة سيئة السمعة وتساوى السرقة الفساد، بعكس كونها سبباً رئيسياً فى تحول روسيا وكوريا وغيرهما لدول عظمى، معرباً عن تأييده فى طرح حصص من البنوك العامة فى البورصة.