بالفيديو..محمود سعد ينتقد شيوخ عذاب القبر

 

إنتقد الإعلامي محمود سعد فى برنامج “أخر النهار” الذي يُعرض على قناة النهار بعض الشيوخ من خريجي الأزهر الذي وصفهم بأنهم “بيخوفوا الناس” قائلاً “ويقوم يجي الشيخ النهاردة يقوللك عذاب القبر و توضع في التربة !! …. يا عم الحاج ليه بتخوفونا بس، طيب إنت عايز تخوفني …. ليه ؟”

و أضاف “أياً كان الكلام في عذاب القبر إحنا نحترم كلام السادة الشيوخ، و هذا غيب و نحن نؤمن جميعاً بالغيب، إحنا مش بنتكلم في القضية دي، إنما لما يجي الشيخ يضيع صلاة الجمعة على إنه يقول للناس في عذاب قبر خافوا خافوا!! ”

و تابع (سعد) “أنت لو قولت إن عذاب القبر مرهون بتصرفاتكوا، يعني إذا طبطبت على واحد غلبان أو أخلصت في عملك … كده يبقى كلام مقبول إذا كنت هتقول الفكرة كده ، إنما تاخد الخطبة كلها عذاب قبر و تحط أيات في مواضع مش هى …. الخطبة كان فيها أخر لخبطة”

كما وجه “سعد” رسالة إلى خريجي الأزهر بأن تكون خطبة الجمعة للقاء الشعب و مناقشة أمورهم الحياتية مربوطة بالدين .
كما وجه رسالة أيضاً لـ السيد وزير الأوقاف قائلاً “من فضلك شوفوا حل للشيوخ بتوع الازهر، المساجد طول عمرها فيها أزهريين إنما دلوقتي الخطاب الديني فيه مشكلة…. الدين في القلب و العقل و الجسد و الدم نقوم نوظفه لبناء المجتمع …. ربنا خلقنا عشان نعمر بما يرضيه”