بالفيديو.. ”سعد” مهاجمًا ”التموين” على الهواء

 

استنكر الإعلامى محمود سعد، عدم رد وزير التموين ومسئولين الوزراة على معدى البرنامج، للحديث حول أزمة البوتجاز، قائلًا: "مش عايزين يردوا علينا بعد ما قولت إنهم بيوزعوا زيت وطحينة على عربات الفول بأسعار مدعمة، وعزيزة بتقولى هاتطيرى المصادر، ياست عزيزة اللذيذة إحنا مش بنشتغل لحساب المصادر، اللى عايز يتكلم يتكلم، اللى عايز يقول أخبار للناس يقول، اللى عايز يرد على المكالمات يرد".

وتابع سعد، خلال تقديمه برنامجه "آخر النهار" عبر فضائية "النهار"، اليوم الجمعة، مخاطبنا المسئولين: "لو سيادتك وزير أو مسئول أنا مش عايز أنبوبة ولا عندى عربية فول، لو أنت وزير أو مسئول مش عايز ترد يبقى انت عندك مشكلة كبيرة، لما المسئول يرتبك وميردش على الأتصال يبقى عنده مشكلة كبيرة، لو احنا قعدنا فى البيت هاييجى ناس تانية يسألوك، ولازم ترد عليهم، بعد أزمة الأنابيب الموجودة من شهرين جاى تقولنا فى عجز 25 % مقولتش لية من شهرين كدة كنا نقنن الإستخدام كنت خليك مراتى تطبخلى على وابور جاز"، مطالبًا المهندس إبراهيم محلب رئيس الوزراء، بضبط الأداء الحكومى.