رسالة من القرموطي للصحفيين

 

في حلقة مساء الأحد من برنامج “مانشيت” الذي يقدمه الإعلامي جابر القرموطي على قناة “أون تي في”

طالب القرموطي الصحفيين بعدم مشاركتهم على قناة الجزيرة قائلاً “دي ناس ماوراهاش غير هدم البلد و يدوروا في صناديق المهملات و يطلعوا أسوأ ما فينا، و يجي شوية عيال مرتزقة يفضلوا يتكلموا عمال على بطال”

و أضاف “أنا بأقدر كل زميل بيطلع في أى فضائية، كل واحد حر، لكن لا داعي لأى حد يطلع في قنوات الجزيرة و أعوانها، سيبوهم بالمجموعة إللي معاهم، هي مش هتسيبك تدافع، ولا تقول كلمة كويسة، وأرجو من الزملاء إللي بيُعرض عليهم ألاف الجنيهات عشان يروحوا قطر أو تركيا مفيش داعي حد يضربنا في مقتل”

و تابع القرموطي “أي زميل موجود في هذه القنوات حتى لو بيدافع أو بيقول رأيه الأخر هما مش محتاجين رأيك الأخر ، الناس دى بلاش نديها الفرصة، خلوهم بال15 ولا 20 واحد إللي قاعدين هناك مرتزقة، ومحدش يساهم في هذا الأمر، إحنا في وضع حساس مش محتاجين نجيب لنفسنا مشاكل ولا ندي حد مسافة إنه ينتقدنا ولا يقول إننا بنجيب الرأى و الرأى الأخر، دول عمرهم ماكان عندهم رأى أخر”