في ذكرى 30 يونيو..هاشتاج «لماذا خلعنا مرسي» يتصدر فيس وتويتر

دشن نشطاء على موقعي التواصل الاجتماعي «فيس بوك وتويتر»، هاشتاج بعنوان «لماذا خلعنا مرسي»، في الذكري الأولى لـ «30 يونيو».

وتنوعت تعليقات النشطاء بين الجادة والتهكمية، فقال أحمد مبروك: «اللي لسه مش فاهم لماذا خلعنا مرسي، أقوله عشان مبيعرفش.. فيه فرق في السرعات بين مصر مهد الأديان وصاحبة الحضارة العميقة وأيدلوجيتها القائمة على حب الكل والخير والمودة.. وبين جماعة خاينة لا ليها لا وطن ولا انتماء متعرفش غير لغة التكفير والخيانات والإقصاء والصفقات المشبوهة».

 

علق هاني حمدي قائلاً: «أهو غلاسة كدا»، فيما وضع عمرو قباري أغنية كابوس لعمرو مصطفي من فيلم الدساس، قائلاً: «ده كان كابوس وخلصنا منه».

 

الناشط إسلام يقول: «عشان مينفعش رئيس دولة بحجم وعظمة مصر يخرج من صلاة الجمعة حافي وبيجري من الشعب»، وأكمل متهكمًا: «عشان نعرف اسم الواد بتاع المعادي اللي مقلشي اسمه».

 
 

وهاجم الناشط أحمد تيتو، 30 يونيو، قائلاً: «خلعنا مرسي عشان نشحت ملابس وبطاطين مستعمله، وبدل الكهرباء ما بتقطع ساعتين بقت بتقطع 14 ساعة، وبدل ما كنا بنقف نص ساعة على البنزين بقوا ساعتين، وبدل ما كنا بتاخد تموين دلوقتي هتاخد على قفاك، عشان نعاقب كل اللي شاركوا في يناير، وعشان نقفل المساجد ونمنع الصلاة على النبي، وعشان المنافقين والشيوخ العرة وتجار الدين يتكشفوا».

 

وقال محمد سيكو: «خلعنا مرسي عشان مرجعش الأمن، وحق الشهداء، كرامة المواطن، الفقر، التسول من البلاد التانية، تقريبا نفس الأسباب اللي هنخلع بيها السيسي»، فيما رأت منار النعماني: «عشان كان عايز يضحي بالمصريين لأهدافه الموبوئة».