بالفيديو.. «أديب» يهاجم السيسي وصباحي: الاثنين يستحقان الخسارة

شن عمرو أديب، مقدم برنامج «القاهرة اليوم» على شاشة «أوربت»، مساء الأحد، هجومًا على المشير عبد الفتاح السيسي، وحمدين صباحي، المرشحان لانتخابات الرئاسة، لعدم تدخلهم لحل «فتنة أسوان» التي أسفرت عن مقتل أكثر من 25 شخصًا في اشتباكات بين عائلتي «الهلايلة» و«الدابودية» في منطقة «السيل الريفي».

وقال «أديب» في حلقة برنامجه، الأحد: «مستغرب من الاثنين المرشحين الرئاسيين اللي محدش فيهم عمل حاجة، الاتنين بيتفرجوا معانا، كان المفروض على الأقل يطلعوا يناشدوا الناس، أو يروحوا لموقع الأحداث، واللا عايزين دهب البلد ومش عايزين مشاكلها».

وأضاف: «دي بداية غير موفقة سواء لحمدين أو السيسي، عملتوا ايه لوقف الاشتباكات في أسوان، لازم أشوفك بتشمر أيدك وتحل مشاكلي».

وتابع: «حمدين والسيسي يستحقوا يخسروا في الانتخابات الرئاسية، الناس بتخاف أيديها تتحرق، أزمة كبيرة محتاجة للشجاعة علشان تقتحم كل الأزمات».

واختتم: «لو مكنتش هتحسسني إنك واخد بالك من مصايب مصر هنحس أمتى إنك شايل همنا؟».